Skip to content

Skip to secondary menu

Skip to table of contents

Yehofa Kotoigi

Okanisitongo

Wi Kelesten libi anga a peleikiwooko–Komakandaa buku  |  mei 2016

 A LIBI FU WI ENKE KELESTEN

Fa fu wooko anga a JW Library

Fa fu wooko anga a JW Library

FU SUTUDELI:

  • I sa leisi a Beibel anga a dei wowtu.

  • I sa leisi a Jaarboek, den Wakititolen anga omen taa sani. I sa poti wan maiki fu sabi pe i be leisi doo.

  • I sa seeka den sani di yu o du a komakandaa. I sa maiki den piki tu.

  • I sa luku felon

TE I DE A KOMAKANDAA:

  • Suku den tekisi di a takiman e kai. Go na a maiki di e tyai i go a den sani di i be suku kaba. A pisi de o yeepi i fu fende den tekisi di i be suku

  • A á de fi i tyai omen buku kon a komakandaa. Koboloiki i telefon efuso i tablet fu luku den sani di wi e du a komakandaa anga fu singi. A JW Library abi den nyun singi di á de aini a singibuku ete.

TE YU E PELEIKI:

  • Efu wan sama aliki, i sa soi en wan sani na a JW Library. Baka dati, da i yeepi en download a JW Library app poti neen telefon efuso tablet. Yeepi en download wantu sani poti na a JW Library app tu.

  • Suku wan Beibeltekisi gawgaw. Efu wan sani di yu e suku á de aini a Nyun-Grontapuvertaling, da i sa go na a Studiebijbel da i suku baka.

  • Soi a sama wan felon. Efu a sama abi pikin, da i sa pee wan fu den Toon Yehofa mati felon gi en efuso i sa soi en a wan di den e kai Saide a bun fu sutudeli Beibel? Kande a felon ya sa meke a wani sutudeli Beibel. Efi i miti wan sama di e taki wan taa tongo, i sa soi en wan felon aini en tongo.

  • Soi wan sama wan tekisi aini a tongo di a sama e taki. Opo a tekisi aini i tongo. Te i doloki a nombuu fu a vers, da yu o si wantu maiki. Doloki a maiki di e soi den buku di de opo-opo, da yu o si aseefi Beibeltekisi aini a tongo di a sama e taki