Skip to content

Skip to table of contents

 A LIBI FU WI ENKE KELESTEN

Fa fu du a peleikiwooko moo bun​—Fa u sa sikiifi biifi

Fa fu du a peleikiwooko moo bun​—Fa u sa sikiifi biifi

SAIDE A DE FANOWDU: A buku 1 Korentesama a wan fu den 14 biifi di apostel Pawlesi be sikiifi gi den Kelesten fu a ten fi en fu gi den taanga-sikin. Te wi e sikiifi biifi wi e fende a okasi fu denki bun san u wani taigi wan sama. A omen leisi a sama sa leisi a bosikopu ya. U sa peleiki gi u famii efuso mati anga biifi. A wan bun fasi tu fu peleiki gi den sama di de a sitaafu-osu, bika wi á poi doo a den fu taki anga den. Efu wan sama wani sabi moo, neen a taanga fu miti en a osu, u sa sende wan biifi gi en tu. Kande ai taanga fu miti son sama na a pisi pe wi e peleiki. Kande den e tan a peesi pe yu á poi doo makiliki. Peesi enke gaan appartement efuso projekt pe den e holi wakiti. San u mu holi a pakisei te wi e sikiifi biifi gi wan sama di wi á be sabi noiti?

FA U MU DU EN:

  • Sikiifi san i be o taigi a sama efi i be miti en. Taki sama a yu na a bigin fu a biifi. Meke a sabi saide yu e sikiifi a biifi gi en. Baka dati i sa fika wan akisi gi en fu a go pakisei. Taigi en taki wi abi wan website. Sikiifi taki wi e sutudeli Beibel anga sama. Kai den nen fu wantu fu den kapitel aini wan fu den buku di wi e sutudeli anga sama. I sa poti sani enke jw.org kaita, pampila fu kai sama kon a komakandaa efuso talakitaati aini a envelop tu.

  • A biifi á mu langa. A mu kaba fosi a sama weli fu leisi.​—Luku fa i sa sikiifi wan biifi

  • Leisi en ete wan leisi fu luku efu yu á meke fowtu. Luku efu a makiliki fu leisi. Luku efi i taki switi anga a sama anga efu a biifi o gi en taanga-sikin. Holi a pakisei taki efu yu á pai na a peesi pe i go fu sende a biifi, kande den o meke a sama di o fende a biifi pai.