Skip to content

Skip to table of contents

 A LIBI FU WI ENKE KELESTEN

Paati den buku fu u gi den sama di wani den tuutuu

Paati den buku fu u gi den sama di wani den tuutuu

Yesesi be taki: „A fu soso u fende den sani ya, da u mu gi fu soso tu.” (Mat 10:8) Wi e du san Yesesi taki, bika sama nai pai gi den Beibel efuso den taa buku fu u (2Kor 2:17). Ma winsi fa u nai akisi den moni, den buku fu u pelensipali, bika den e taki fu den tuu leli di de aini Gadu Wowtu. A bunbun moiti den baala e meke fu doloki den buku ya sende go na ala den kemeente a hii goontapu. Neen meke a den buku di wi abi fanowdu namo u mu teke.

U mu luku fa wi e paati den buku fu u, winsi yu e peleiki a peesi pe tyaipi sama e pasa (Mat 7:6). A ná ala sama di e waka pasa u mu langa wan buku gi, ma u mu meke moiti fu taki anga den fu luku efu den wani leisi den buku fu u tuutuu. San i be o piki te i leisi den akisi di de aini a faki? I be o poi piki eeye a wan fu den akisi de? Te yu á kaba fusutan efu a sama wani leisi den buku fu u tuutuu, da a moo bun fi i gi en wan talakitaati. Ma efu a sama akisi i wan Wakititolen efuso wan buku, i sa gi en wan.Odo 3:27, 28.