Skip to content

Skip to table of contents

 A LIBI FU WI ENKE KELESTEN

Fa fu du a peleikiwooko moo bun​—Yeepi „bun-ati sama” fu toon Yesesi bakaman

Fa fu du a peleikiwooko moo bun​—Yeepi „bun-ati sama” fu toon Yesesi bakaman

SAIDE A PELENSIPALI: Yehofa e meke a waaleiti goo aini a ati fu „den sama di ati bun fu fende a teego libi” (Toli 13:48; 1Kor 3:7). Wi e wooko makandii anga Yehofa, te wi e poti pakisei a den sama di e aliki te wi e peleiki gi den (1Kor 9:26). Den Beibelsutudi mu fusutan taki efu wan sama wani fende teego libi, a mu dopu enke wan Kelesten (1Pt 3:21). Te wi e yeepi den, fu kengi a fasi fa den be e libi fosi, fu peleiki, fu leli sama, anga fu paamisi Yehofa taki den o libi enke fa a wani da wi e yeepi den fu toon Yesesi bakaman.​—Mat 28:19, 20.

FA U MU DU EN:

  • Yeepi den Beibelsutudi fi i fu fusutan taki, yu e sutudeli anga den fu den kon sabi Yehofa moo bun anga fu du sani enke fa a wani.​—Yoh 17:3

  • Den o go a fesi te yu e yeepi den fu suku bun mati efuso fu tapu anga takuu gwenti

  • I mu e gi den taanga-sikin fosi den dopu anga baka te den dopu.​—Toli 14:22

LUKU A FELON DI DEN E KAI YEHOVAH GADO O YEPI YU. BAKA DATI, DA I PIKI DEN AKISI YA:

  • San sa tapu wan sama fu paamisi Yehofa taki a o libi enke fa a wani? San sa tapu wan sama fu dopu?

  • Fa owluman sa yeepi Beibelsutudi fu go a fesi?

  • San Yesaya 41:10 e leli u fu Yehofa?

  • Winsi fa wi abi sondu, tokuso sowtu manii wi mu abi fu man dini Yehofa enke fa a wani?

Fa wi e wooko makandaa anga Yehofa te wi e yeepi sama fu toon bakaman fu Yesesi?