Skip to content

Skip to secondary menu

Skip to table of contents

Yehofa Kotoigi

Okanisitongo

A libi fu wi enke kelesten anga a peleikiwooko–Komakandaa buku  |  december 2016

 A LIBI FU WI ENKE KELESTEN

Fa fu du a peleikiwooko moo bun—Yeepi i sutudi fu du san sikiifi aini a buku „Meki Gado tan lobi yu”

Fa fu du a peleikiwooko moo bun—Yeepi i sutudi fu du san sikiifi aini a buku „Meki Gado tan lobi yu”

SAIDE A DE FANOWDU: Efu wan sama wani dini Yehofa enke fa Yehofa wani, a mu fusutan san Beibel e taki, da a du san a leli (Yes 2:3, 4). A buku Meki Gado tan lobi yu a du fu tu buku di wi e sutudeli anga sama. A buku ya e yeepi den fu fusutan fa den mu wooko anga den leli fu Yehofa (Heb 5:14). U mu suku fu a leli doo den ati te wi e sutudeli anga den. A sani de o yeepi den fu kengi a fasi fa den e libi.Rom 6:17.

FA U MU DU EN:

  • Seeka bun fosi i go na a sutudi. Luku san a sutudi abi fanowdu fu man go a fesi. Akisi en sani di o yeepi i fu si fa ai si den sani di ai leli.Odo 20:5; be-SR 259

  • Taki fu den faki di de aini a buku. Den sani ya o yeepi a sutudi fu si sowtu wini a o fende te ai du san Beibel taki

  • Yeepi a sutudi fu si taki neen kosensi mu yeepi en te Beibel nai soi kiin san a mu du. Ma yu á mu taigi en san a mu du.Gal 6:5

  • Meke moiti fu si efu ai taanga gi a sutudi fu wooko anga son sani di Beibel taki. Taki switi anga en te yu e gi en taanga-sikin fu kengi a fasi fa ai du sani. Soi en taki a fu di a lobi Yehofa meke a mu kengi a fasi fa ai libi.Odo 27:11; Yoh 14:31