Skip to content

Skip to secondary menu

Skip to table of contents

Yehofa Kotoigi

Okanisitongo

Wi Kelesten libi anga a peleikiwooko–Komakandaa buku  |  augustus 2016

 A LIBI FU WI ENKE KELESTEN

Paati a tuu leli

Paati a tuu leli

Fanafu september, wan nyun fasi fu taki anga sama o de aini A libi fu wi anga a peleikiwooko komakandaa buku. Den e kai a pisi ya „Paati a tuu leli.” A pisi ya e taki fu den leli di de aini Beibel. Ai soi san u sa akisi a sama anga sowtu tekisi u mu leisi fu piki a akisi.

Efu a sama wani sabi moo, u sa meke mofu anga en fu go neen baka. Fosi u gwe u sa gi en wan sani fu leisi. U sa pee wan felon fu jw.org gi en tu. Baka wantu dei u mu meke moiti fu go na a sama baka fu go doo anga a takimakandaa. Den puu a pisi ya aini a buku di den e kai San Bijbel e leri wi trutru?, aini den faki na a kaba fu den kapitel. Aini a buku ya den puu den lezing di wi o holi na a sikoo tu. Taa tekisi de a den pisi ya di i sa koboloiki fu meke mofu anga sama fu go a den baka. Den e yeepi u tu fu sutudeli anga sama anga a Beibel wawan.

A wan kodo pasi e tyai sama doo a tuutuu libi (Mat 7:13, 14). Wi e taki anga omen sowtu sama. Son wan fu den e go a taa keliki. Taawan baka kiya a wan taa fasi. Neen meke u mu puubei fu soi den sani aini Beibel di den o lobi (1Tim 2:4). Te wi e fusutan den leli fu Beibel moo bun, wi o moo sabi fa fu ’leli taa sama a tuu leli di de aini Gadu wowtu’. A sani de o meke u moo piisii. Den sama di wi e leli o fende moo wini fu a leli di wi e leli den.2Tim 2:15.