Skip to content

Skip to secondary menu

Skip to table of contents

Yehofa Kotoigi

Okanisitongo

Wi Kelesten libi anga a peleikiwooko–Komakandaa buku  |  augustus 2016

 A LIBI FU WI ENKE KELESTEN

Fa fu du a peleikiwooko moo bun—Yeepi i Beibelsutudi fu go a fesi te enke a dopu

Fa fu du a peleikiwooko moo bun—Yeepi i Beibelsutudi fu go a fesi te enke a dopu

SAIDE A DE FANOWDU: Efu wan sama di e sutudeli Beibel wani Yehofa piisii, a mu paamisi Yehofa taki a o dini en, da a dopu (1Peit 3:21). Efu ai du san Yehofa wani, da Yehofa o yeepi en fi en biibi á swaki (Ps 91:1, 2). Wan Kelesten di paamisi Yehofa taki a o dini en, meke wan mofu anga Yehofa. A ná anga libisama, wan olikanisâsi, efuso wan wookope. Neen meke a mu bigi gi den sama di e sutudeli Beibel taki den sabi Gadu. Den mu meke moiti fu lobi en.Rom 14:7, 8.

FA U MU DU EN:

  • Te yu e sutudeli anga wan sama, meke a fusutan san den sani di a leisi e leli en fu Yehofa. Meke a fusutan taki a de taanga fanowdu fu leisi Beibel ala dei. A mu e begi „ala yuu” tu.1Tes 5:17; Yak 4:8

  • Gi i Beibelsutudi taanga-sikin fu poti enke maiki fu paamisi Yehofa taki a o dini en. Yeepi en fu poti enke maiki fu dopu tu. Yeepi en fu gi piki a komakandaa, fu e peleiki gi den sama na a pisi pe ai tan anga den sama a wookope. Yehofa nai dwengi nawan sama fu dini en. Na a sama seefi mu wani paamisi Yehofa taki a o dini en. Deit 30:19, 20

  • Gi i Beibelsutudi taanga-sikin fu kengi a fasi fa ai libi. Efu a kengi a fasi fa ai libi, da a o meke Yehofa piisii. A o man dopu tu (Odo 27:11). Kande a abi son gwenti di taanga gi en fu fika, neen meke na ala yuu i mu e yeepi en fu a kengi en manii fu a sa de enke fa Gadu wani (Efe 4:22-24). Soi en den artikel di den e kai „Bijbel e kenki sma libi”. Den de aini A Waktitoren

  • Gi en toli di o meke a si fa a dini di yu e dini Yehofa e gi i piisii. Yes 48:17, 18