Skip to content

Skip to secondary menu

Skip to table of contents

Yehofa Kotoigi

Okanisitongo

A libi fu wi enke kelesten anga a peleikiwooko–Komakandaa buku  |  april 2016

 MEKE MOITI FU TOON WAN MOO BUN PELEIKIMAN

A paati di wi o paati a konkelesi pampila fu kai sama

A paati di wi o paati a konkelesi pampila fu kai sama

Ala yali, wi e kai sama fu kon a den konkelesi fu u. Fu di u wani taawan si san a den bun sani di Yehofa e du gi u, meke u wani kai ala sama (Ps 34:8). Den owluman fu den kemeente mu luku fa den o paati den pampila fu ala sama na a pisi pe den e peleiki sa fende wan.

SANI DI U MU HOLI A PAKISEI

  • On ten a konkelesi o holi?

  • On ten wi o bigin paati den pampila di wi e kai sama?

  • On ten den peleikiwooko komakandaa o holi?

  • Sowtu maiki mi wani doo na a ten di wi o paati a konkelesi pampila?

  • Sama mi o kai?

SAN YU O TAKI?

Te i gi a sama odi, i sa taki:

„Wi e paati a pampila ya a hii goontapu fu kai sama kon a wan komakandaa di wi o holi. A dei, a yuu anga a peesi pe a komakandaa ya o holi sikiifi na a pampila. Wi o piisii efi i kon.”

SAN U SA DU FU MEKE A SAMA ANGII FU SABI MOO?

Winsi fa wi o meke moiti fu kai ala sama, tokuso u mu de na ain efu wan sama wani sabi moo.

Boiti a pampila ya, i sa paati A Wakititolen sataa anga sonde tu.