Skip to content

Skip to secondary menu

Skip to table of contents

Yehofa Kotoigi

Okanisitongo

Leli i pikin

 TOLI 8

Yosiya be abi bun mati

Yosiya be abi bun mati

Ai taanga gi i fu du bun sani?— A omen sama e si enke a taanga. Beibel e leli u taki a be taanga gi wan boi den e kai Yosiya fu du bun sani. Ma a be abi bun mati di be e yeepi en. Meke u leli moo sani fu Yosiya anga den mati fi en.

A Yosiya dda den be e kai Amon. Neen be de kownu fu Yuda. Ná pikin ogii Amon be ogii. A be e dini falisi Gadu. Di Amon dede, neen Yosiya toon kownu fu Yuda. Na aiti yali namo a be abi di a toon kownu! Yosiya be ogii enke en dda?— A á be ogii!

Sefanya be taigi den sama taki den á be mu dini falisi gadu

Yosiya be wani aliki Yehofa, anga ala fa a be nyoni ete. Neen meke a soso sama di be lobi Yehofa a be teke enke mati. A den mati ya yeepi Yosiya fu du bun sani. Sama a be wantu fu den mati fi en?

Wan fu den mati fi en den be e kai Sefanya. Sefanya a be wan polofeiti. A be taigi den sama fu Yuda taki ogii o miti  den, efu den dini falisi gadu. Yosiya du san Sefanya taki, neen meke a be e dini Yehofa. A á be e dini falisi gadu.

Wan taa mati fu Yosiya den be e kai Yelemiya. Den tu man a be supee. Den a be tuutuu mati. Neen ede meke di Yosiya dede, Yelemiya sikiifi wan singi fu soi fa a be e pakisei en. Yelemiya anga Yosiya be e yeepi denseefi fu du bun sani. Den be e yeepi makandaa fu aliki Yehofa tu.

Yosiya anga Yelemiya be e yeepi denseefi fu du bun sani

San a toli fu Yosiya e leli i?— Yosiya be wani du bun sani, winsi a be yonkuu. A be sabi taki a be mu abi mati di lobi Yehofa. Iseefi mu meke moiti fu abi mati di lobi Yehofa. A den sowtu mati de o yeepi i fu du bun sani!

LEISI AINI I BEIBEL

  • 2 Koloniki 33:21-25; 34:1, 2; 35:25