Skip to content

Skip to secondary menu

Yehofa Kotoigi

Okanisitongo

San na a Kownukondee fu Gadu?

San na a Kownukondee fu Gadu?

I si enke . . .

  • a wan sani di de aini yu ati?

  • a wan peesi di de aini hemel?

  • a wan tiimakiti di de aini hemel?

 SAN BEIBEL E TAKI FU A TOLI YA?

„A Gadu fu hemel o sete wan Kownukondee di sama ná o poi puu a pasi.”Daniyeli 2:44, Nyun-Grontapuvertaling.

„U kisi wan manpikin; neen na a sama di o tii.”Yesaya 9:6.

SAIDE MEKE A BUN FU BIIBI A SANI YA?

  • A wan bun tiimakiti di o tyai wini kon gi i.Yesaya 48:17, 18.

  • Yu o libi koloku sondee siki aini wan nyun goontapu.Openbaring 21:3, 4.

 U MU BIIBI DEN SANI DI BEIBEL TAKI YA?

Eeye, tu sani sa yeepi u fu u biibi san Beibel e taki ya

  • Yesesi be soi san a Kownukondee fu Gadu o du gi u. Yesesi be leli den bakaman fi en fu den begi taki a Kownukondee fu Gadu mu kon anga fu a wani fu Gadu sa pasa a goontapu ya (Mateyesi 6:9, 10). Yesesi be soi den fa a libi o de te den sani di a be leli den aini a begi be o pasa.

    Di Yesesi be de a goontapu, a be e gi den sama di angii be e kii nyanyan, a be e deesi siki sama, a be weki dede sama kon a libi baka tu (Mateyesi 15:29-38; Yohanisi 11:38-44). Yesesi di be o tii enke Kownu fu Gadu Kownukondee, be soi anga den sani di a be e du san a den moi sani di a Kownukondee ya o du gi den bakaman fi en.Openbaring 11:15.

  • Den sani di e pasa aini a ten ya e soi u taki a Kownukondee fu Gadu de koosube. Yesesi be taigi u a fesi taki fosi a Kownukondee fu Gadu be o seeka a goontapu ya, da sani enke oloku, nyanyan angii anga seke doti be o lai a goontapu.Mateyesi 24:3, 7.

    A den sani de wi e si e pasa aini a ten ya. Neen meke u sa abi a biibi taki a ná o teke langa moo fosi Gadu Kownukondee puu ala den sani ya a pasi gi u.

 GO PAKISEI A SANI YA LUKU OSI

Fa a libi o de te Gadu Kownukondee o tii?

Beibel e piki a akisi ya aini PSALM 37:29 anga YESAYA 65:21-23.

Moo toli

GADU ABI BUN NYUNSU GI U!

Sowtu pakisei Gadu abi anga a goontapu ya?

Beibel e soi saide Gadu meke a goontapu, o ten pina o kaba a goontapu, fa sani o waka gi a goontapu anga den sama di e libi na a goontapu aini a ten di e kon?