Skip to content

Skip to table of contents

 TOLI 12

San e pasa anga u te u dede?

San e pasa anga u te u dede?

San na dede? Dede de enke te wan sama e siibi dipi (Yohanisi 11:11-14). Dede sama á poi yee, den á man si, den á poi taki, anga den a poi pakisei sani tu (Peleikiman 9:5, 10). Falisi keliki e leli sama taki, te wan sama dede da ai go a dede kondee a den gaansama fi en. Beibel nái leli sama a sani de.

Dede sama á poi yeepi u, den á poi du ogii anga u tu. Sama gwenti towe nyanyan anga diingi gi den dede sama fu den, bika de e si enke den dedesama abi den sani de fanowdu. Gadu á lobi a sani ya, bika a wan fu den lei fu Saatan. Wi á mu feele, efuso du sani gi den dedesama, fu di wi e pakisei taki den abi den sani de fanowdu. A Gadu wawan too u mu dini.​—Mateyesi 4:10.

Dede sama o kon a libi baka. Yehofa o weki den dede sama puu a dede fu den sa tan aini Paladeisi a goontapu ya. A ten de e kon ete (Yohanisi 5:28, 29; Apaiti 24:15). Yehofa poi meke dede sama kon a libi baka leti enke fa yu e weki wan sama te ai siibi.​—Maakusi 5:22, 23, 41, 42.

Saatan Didibii na a sama di e paati a lei taki u nái dede. Saatan anga den ogii yeye fi en e meke sama e denki taki a yeye fu wan dedesama, kan du ogii anga i, efuso meke i siki. Saatan e koli sama son leisi tu anga deen. Yehofa o sitaafu den sama di e suku fu taki anga den dedesama.​—Deitolonomi 18:10-12.