Skip to content

Skip to secondary menu

Skip to table of contents

Yehofa Kotoigi

Okanisitongo

Gadu abi bun nyunsu gi u!

 PISI 7

On san na a Kownukondee fu Gadu?

On san na a Kownukondee fu Gadu?

1. On san na a Kownukondee fu Gadu?

Saide meke a Yesesi na a moo bun Kownu di u be sa abi?MAAKUSI 1:40-42.

A Kownukondee fu Gadu a wan tii di de aini hemel. A Kownukondee de, o puu ala den taawan di de a goontapu ya, dan a o meke sani waka enke fa Gadu wani aini hemel anga goontapu. A tuutuu wan bun nyunsu, taki a Kownukondee fu Gadu o du a sani de. Dyonson moo da a Kownukondee fu Gadu o tii libisama enke fa a mu de. A o meke ala sama fiya di de a goontapu libi na a wan.Leisi Daniyeli 2:44; Mateyesi 6:9, 10; 24:14.

Ala kownukondee e abi wan kownu enke edeman. Yehofa Gadu poti en manpikin Yesesi Kelestesi, enke kownu aini a Kownukondee fi en.Leisi Kon A Kiin 11:15.

2. Saide meke a Yesesi na a moo bun Kownu di u sa fende?

A manpikin fu Gadu na a moo bun Kownu, bika a abi bun manii, a lobi du sani a wan leti-opu fasi (Yohanisi 1:14). A abi makiti sai tu fu yeepi sama, bika a hemel anda a o de e tii a goontapu ya. Baka di Yesesi weki puu a dede, a be go baka aini hemel, neen a go sidon wakiti na a leti ana se fu Yehofa (Hebelei 10:12, 13). Bakaten neen Gadu gi en makiti fu bigin tii.Leisi Daniyeli 7:13, 14.

3. Sama o tii makandii anga Yesesi enke Kownu?

A wan guupu sama di Beibel e kai „den santawan”, o tii makandii anga Yesesi aini hemel (Daniyeli 7:27). Den fosi wan di be de santawan, a den aposteli fu Masaa Yesesi.  Te enke now ete, Yehofa e teke biibiman anga uman enke sama di de santa gi en. Leti enke Yesesi den wan de di o weki puu a dede e toon wan yeye.Leisi Yohanisi 14:1-3; 1 Kolenti 15:42-44.

Omen sama o go a hemel seefi? Yesesi be kai den sama de a „pikin kulu” (Lukasi 12:32). Te i teli ala den wan di o go a hemel dan na 144.000 sama. Den o tii a goontapu ya makandii anga Yesesi.Leisi Kon A Kiin 14:1.

4. On sowtu sani be pasa di Yesesi sidon enke kownu?

A Kownukondee fu Gadu bigin tii aini a yali 1914. * A fosi sani di Yesesi du di a toon Kownu, a fiingi a fiingi Saatan anga den ogii yeye fi en kon a goontapu. Saatan kon kisi gaan atiboon neen meke ai meke soso ogii e pasa a goontapu (Kon A Kiin 12:7-10, 12). Fanafu a ten de, neen ogii e miti libisama a goontapu. Oloku, nyanyan angii, siki anga a seke di a doti o go e seke e piiti a „maiki” di e soi taki a dyonson, na a Kownukondee fu Gadu wawan o tii a goontapu.Leisi Lukasi 21:7, 10, 11, 31.

5. On sowtu sani a Kownukondee fu Gadu e du?

Anga a peleikiwooko di e du a hii goontapu, a Kownukondee fu Gadu e tyai wan gaan kulu sama kon a wan fu ala nasi. Miliyunmiliyun safu ati sama o toon paandasi pikin fu a Kownukondee fu Gadu ape Yesesi o tii enke kownu. A Kownukondee fu Gadu o kibii den te a o poli a goontapu ya. Neen ede meke ala den sama di wani fende wini fu a Kownukondee fu Gadu mu e aliki Yesesi.Leisi Kon A Kiin 7:9, 14, 16, 17.

Aini wan pisi ten fu wan dusun yali so da a Kownukondee fu Gadu o meke sani waka enke fa Gadu be abi a pakisei gi libisama. A hii goontapu o toon wan paladeisi. Te sani o waka so kaba da Yesesi o gi a Kownukondee baka neen Tata (1 Kolenti 15:24-26). I sabi wan sama di i be sa wani leli en sani fu Gadu?Leisi Pisalon 37:10, 11, 29.

 

^ paragraaf 6 Efi i wani sabi finifini fu den toli fu Beibel di e taki fu a yali 1914, da luku a buku San Bijbel kan leri wi a pampila 217-220.

Moo toli

SAMA E DU A WANI FU YEHOFA AINI A TEN YA?

Fa a peleikiwooko fu Yehofa Kotoigi sete?

Wi e du a peleikiwooko leti enke fa Yesesi be du en di a be de a goontapu. San a wantu fasi fa wi e du a peleikiwooko?