Skip to content

Skip to secondary menu

Skip to table of contents

Yehofa Kotoigi

Okanisitongo

Gadu abi bun nyunsu gi u!

 PISI 2

Sama na a tuutuu Gadu?

Sama na a tuutuu Gadu?

1. Fu saide meke u mu dini Gadu?

Na a tuutuu Gadu meke ala sani. Gadu ná abi wan bigin anga a ná abi wan kaba tu (Pisalon 90:2). Neen a bun nyunsu komoto di sikiifi aini a Beibel (1 Timotiyesi 1:11). A Gadu wawan u mu dini bika neen meke u.Leisi Kon A Kiin 4:11.

2. Fa Gadu tan?

Sama á poi si Gadu, bika en a wan Yeye. Dati a wan taa sowtu libi di hei moo a libi fu meti anga libisama a goontapu ya (Yohanisi 1:18; 4:24). Ma tokuso u sa kon sabi den manii fu Gadu te wi e luku den sani di a meke. Sani enke den sowtu a sowtu sii anga boomiki, e meke u fusutan taki a abi lobi anga A koni tu. Te wi e luku fa a hemel anga a goontapu bigi, da wi e si taki a kaakiti fu Gadu bigi.Leisi Lomeini 1:20.

U sa kon sabi moo fu den manii fu Gadu te wi e leisi a Beibel. Beibel e soi u san Gadu lobi anga den sani di ai buuse. Beibel e taki tu fa Gadu e libi anga sama te den e du bun, efuso te den e du ogii.Leisi Pisalon 103:7-10.

3. Gadu abi wan nen?

Aini a Beibel Gadu e taki: „Mi na Yehofa, a so de e kai mi, mi ná o gi nawan taa sama a gaandi fu mi” (Yesaya 42:8). Anga ala fa den e kai Gadu a omen fasi tokuso a wan kodo nen namo a abi. A nen de, de e kai Yehofa. A nen ya sikiifi sowan 7000 leisi aini a Beibel.Leisi Pisalon 83:18.

Anga ala fa Beibel nái tapu sama fu den kai a nen fu Gadu, tokuso somen sama nái kai a nen fi en. A Beibel e gi wi a taanga fu gi gaandi na a nen fu Gadu, fu di wi o go e  kai a nen ya. Den diniman fu Gadu aini hawten á be e feele fu kai a nen de te den be e dini en anga te den be e du taa sani aini a libi.Leisi Pisalon 105:1; Lotu 2:4.

4. Yehofa e booko en ede anga u?

Leti enke a lobi ati dada ya, a so Gadu e du sani fu meke sani mu waka u bun bakaten.

A pina di libisama e pina na ala peesi, wani taki Gadu nái booko en ede anga u? Son sama e taki Gadu e meke u pina bika a wani tesi u. Ma a sani de a ná tuu.Leisi Yakowbesi 1:13.

Gadu gi wi enke libisama a gaandi fu useefi teke bosoloiti. Wi e si en enke wan gaan sani taki Gadu gi wi a gaandi ya! (Yowsuwa 24:15) Ma fuu sama e pina bika taawan e du ogii anga den. Ai hati Yehofa te ai si den sowtu ogii ya e pasa.Leisi Genesesi 6:5, 6.

Yehofa a wan Gadu di e booko en ede anga u. A wani u piisii fu a libi. Dyonson moo a o puu pina anga den sama di e pina taawan. Ma nownow Yehofa sabi bunbun san meke a fika ogii fu e pasa den pisi ten ya ete. Aini toli 8 wi sa leli fu san ede.Leisi 2 Peitilisi 2:9; 3:7, 13.

5. Fa u sa kon moo koosube a Gadu?

Yehofa e kai u fu u kon koosube neen te wi e begi. Ai booko en ede anga ibiiwan fu wi enke libisama (Pisalon 65:2; 145:18). A de kabakaba fu gi u paadon. Ai si fa wi e meke muiti fu dini en, awinsi sani taanga gi u son leisi. Anga ala fa wi e meke fowtu, tokuso u sa toon bun mati fu Gadu.Leisi Pisalon 103:12-14; Yakowbesi 4:8.

A Yehofa gi u libi, neen ede meke u mu lobi en moo iniiwan taa sama (Maakusi 12:30). Te yu e leli moo sani fu Gadu anga yu e du san a wani, da a so yu e soi taki i lobi en. Dati o meke i kon moo koosube neen.Leisi 1 Timotiyesi 2:4; 1 Yohanisi 5:3.