Skip to content

Skip to secondary menu

Skip to table of contents

Yehofa Kotoigi

Okanisitongo

Gadu abi bun nyunsu gi u!

 PISI 11

Sowtu wini wi e fende fu den mama leli fu Beibel?

Sowtu wini wi e fende fu den mama leli fu Beibel?

1. Saide meke wi libisama abi tii fanowdu?

Fa den mama leli fu Beibel o yeepi u fu u á du sani di o meke u kisi mankei anga di sa meke u lasi u libi?PISALON 36:9.

A sama di meke wi koni dyow moo u. Enke wan Dada di lobi wi, ai booko en ede anga u. Neen ede meke á be meke u fu libi sondee en (Yelemiya 10:23). Leti enke fa pikinengee abi den mama anga dada fanowdu fu gi den leli, a letiso wi abi Gadu fanowdu fu gi u leli tu (Yesaya 48:17, 18). A fasi fa den mama leli fu Beibel e tii wi de enke wan kado di Gadu gi u.Leisi 2 Timotiyesi 3:16

Den weiti fu Yehofa anga den mama leli fu Beibel e leli wi a moo bun fasi fu libi. Ai soi wi tu fa u sa fende tego libi aini a ten di e kon. Fu di Gadu na a sama di meke u, meke a fiti fu soi taki wi e teke a fasi fa ai tii wi fu bigi.Leisi Pisalon 19:7, 11; Kon A Kiin 4:11.

2. San a den mama leli fu Beibel?

Den mama leli fu Beibel a fanowdu leli di sikiifi aini a Beibel. Ma den weiti fu Beibel e taigi u kiinkiin san u mu du efuso san wi á mu du (Deitolonomi 22:8). U mu teke ten luku fa u sa koboloiki den leli fu Beibel aini u libi (Odoo 2:10-12). Wan fu den mama leli fu Beibel a taki libi a wan kado fu Gadu. A leli de o yeepi u fu tyai useefi enke fa a fiti, te u de a wooko, te u de a osu efuso te u de a waka tapu. Efu wi e holi a pakisei taki a libi fu u a wan kado di Gadu gi u, da a sani de o yeepi u fu wi á go du sani di o meke u lasi u libi, efuso meke taa sama lasi den libi.Leisi Apaiti 17:28.

3. San a den tu moo gaan mama leli fu Beibel?

Yesesi be taki fu den tu gaan mama leli fu Beibel. A fosi wan e soi kiinkiin fu saide meke wi  libisama e libi. U de a libi fu di u mu leli sabi Gadu, fu di u mu lobi en anga fu di u mu dini en anga u hii ati. A ná toobi sowtu sani wi o du, u mu holi a sani ya bun a ede (Odoo 3:6). Den sama di e libi enke fa a mama leli ya e taki o de koloku, den o toon mati fu Gadu, anga den o fende a tego libi.Leisi Mateyesi 22:36-38.

A taa mama leli fu Beibel di Yesesi be leli wi, e soi u fa u sa libi a wan anga taa sama (1 Kolenti 13:4-7). Efi wi e libi enke fa a mama leli ya e soi u, da a so wi e libi anga taawan enke fa Gadu seefi e libi anga den.Leisi Mateyesi 7:12; 22:39, 40.

4. Fa u sa fende wini te wi e wooko anga den mama leli fu Beibel?

Den mama leli fu Beibel e yeepi osufamii fu libi a makandii anga lobi (Kolosense 3:12-14). A Wowtu fu Gadu e kibii osufamii, fu di ai leli den wan taa mama leli fu Beibel di e taki, a toowlibi mu de fu ala ten.Leisi Genesesi 2:24.

Te wi e wooko anga den leli fu Beibel, da a sani de o yeepi u fu u á pina, anga fu u ná abi booko ede tumisi. Aini a libi ya, da den basi fu den wooko peesi e suku wookoman di nái bidiigi sama, anga wookoman di e wooko taanga (Odoo 10:4, 26; Hebelei 13:18). A Wowtu fu Gadu e leli u taki wi á mu libi bigi, ma taki u mu libi anga den sani di wi abi taanga fanowdu aini a libi. A Wowtu fu Gadu e leli u tu taki a matifasi fu wi anga Gadu mu moo bigi gi u moo enke a lobi di u lobi gudu.Leisi Mateyesi 6:24, 25, 33; 1 Timotiyesi 6:8-10.

Te yu e wooko anga den mama leli fu Beibel dan a sani de o kibii a gosontu fii (Odoo 14:30; 22:24, 25). Te wi e holi useefi na a weiti fu Gadu taki wi á mu diingi sopi duungu, dan a sani de o meke taki wi á kisi mankei anga siki di sa tyai dede kon gi u (Odoo 23:20). Yehofa e gi u pasa fu u diingi sopi, ma á wani fu u diingi en ipi (Pisalon 104:15; 1 Kolenti 6:10). Den mama leli fu Beibel nái soi u namo san u mu du, ma den e yeepi u tu fu denki enke fa Gadu wani (Pisalon 119:97-100). Ma tokuso, ná fu di Kelesten sama e suku wini gi denseefi meke den e wooko anga den leli fu Gadu. Ma a fu di den wani gi Yehofa gaandi.Leisi Mateyesi 5:14-16.

 

Moo toli

SUTUDELI BEIBEL

Akisi wan Beibelsutudi

Sutudeli Beibel na a yuu anga a peesi di kai gi i.