Skip to content

Skip to secondary menu

Skip to table of contents

Yehofa Kotoigi

Okanisitongo

Gadu abi bun nyunsu gi u!

 PISI 12

Fa i sa kon koosube a Gadu?

Fa i sa kon koosube a Gadu?

1. Na ala begi Gadu e aliki?

Gadu e kai ala sowtu sama fu kon koosube neen, te den e begi en (Pisalon 65:2). Ma tokuso Gadu nái aliki ala begi. Bika Beibel e soi taki Gadu e tapu yesi gi den begi fu den man di nái libi bun anga den uman fu den (1 Peitilisi 3:7). Na so sani be waka tu gi den Islayeli sama. Te den be e tan du ogii naamo, da Gadu be e tapu a yesi fi en te den be e begi en. Begi a wan gaandi di wi abi fu taki anga Gadu. Awinsi wan sama meke gaan fowtu seefi, tokuso Gadu sa aliki den begi fi en, te ai tyali fu a ogii di a du.Leisi Yesaya 1:15; 55:7.

2. Fa u mu e begi?

A begi di wi e begi a wan fasi fa wi e dini Gadu tu. Neen ede meke a Yehofa Gadu wawan too u mu begi, a Sama di meke u (Mateyesi 4:10; 6:9). Anga fu di wi a sondu sama meke ala yuu u mu e begi aini a nen fu Yesesi, bika neen be kon dede gi den sondu fu u (Yohanisi 14:6). Yehofa á wani meke u leli den begi di wi e begi en poti a ede, efuso sikiifi den poti a pampila tapu. A wani meke u taki fa wi e fii aini wi ati te wi e begi en.Leisi Mateyesi 6:7; Filipense 4:6, 7.

Seefi den begi di u nái taki kon a doo, a Sama di meke u poi yee (1 Samuweli 1:12, 13). A wani meke wi e begi en ala yuu, te dei opo anga te neti tapu. U sa begi tu te wi e go nyan anga te wi abi booko ede.Leisi Pisalon 55:22; Mateyesi 15:36.

3. Fu saide meke den Kelesten e holi komakandaa?

Fu kon koosube a Gadu a ná wan makiliki sani, bika wi e libi makandii aini wan goontapu anga sama di nái biibi a Gadu. Den e sipowtu tu anga den sani di A paamisi u  (2 Timotiyesi 3:1, 4; 2 Peitilisi 3:3, 13). Neen ede meke wi abi a taanga fu den baala anga sisa fu u fanowdu, denseefi abi a wan fu u fanowdu tu.Leisi Hebelei 10:24, 25.

Te wi e kon makandii anga den baala anga sisa fu u, da a sani de o yeepi u fu kon koosube a Gadu. Den komakandaa fu Yehofa Kotoigi e yeepi u fu kisi taanga sikin fu den baala anga den sisa.Leisi Lomeini 1:11, 12.

4. Fa i sa kon koosube a Gadu?

I sa kon koosube a Gadu te ye pakisei den sani di yu leli aini En Wowtu. I mu luku on sowtu sani i sa leli fu den sani di a du, den sani di ai leli u, anga den sani di a paamisi u. Te wi e begi Gadu anga te wi teke pakisei fu den sani di a leli u, da wi o kon moo lobi a lobi fu Gadu anga a koni fi en.Leisi Yowsuwa 1:8; Pisalon 1:1-3.

A soso te wan sama e fitoow Gadu anga te ai biibi en, neen fosi a sa kon koosube a Gadu. Ma biibi de enke wan paansu di i mu solugu bun, fosi a sa goo kon bigi. Efi i wani meke a biibi fi i goo kon bigi, da i mu e teke pakisei naamo fu den sani di i leli.Leisi Mateyesi 4:4; Hebelei 11:1, 6.

5. San a den bun di wi o fende, te u kon koosube a Gadu?

Yehofa e booko en ede anga den sama di lobi en. A poi kibii u fu iniiwan sani di sa poli a biibi fu u, anga a howpu fu u di wi abi fu libi fu tego (Pisalon 91:1, 2, 7-10). Ai wasikoi wi fu sani di sa poli a gosontu fu u, anga sani di sa meke wi á de koloku moo. Yehofa e leli u a moo bun fasi fa u sa libi.Leisi Pisalon 73:27, 28; Yakowbesi 4:4, 8.

 

Moo toli

SUTUDELI BEIBEL

Saide a bun fu sutudeli Beibel?

A Beibel e yeepi somen sama a hii goontapu fu piki a akisi ya. Yu á wani de wan fu den sama ya tu noh?