Skip to content

Skip to secondary menu

Yehofa Kotoigi

Okanisitongo

Fa yu e si a Beibel?

Fa yu e si a Beibel?

I si enke a Beibel . . .

  • a wan buku di bakaa sikiifi?

  • a wan buku anga anainsi-toli aini?

  • na a Wowtu fu Gadu?

 SAN BEIBEL E TAKI FU A TOLI YA?

„A Gadu meke sama sikiifi ala den sani di de aini a buku fi en.”​—2 Timotiyesi 3:16, Nyun-Grontapuvertaling.

SAIDE MEKE A BUN FU BIIBI A SANI YA?

Yu o kon fusutan somen sani fu a libi di taa sama á sabi.​—Odo 2:1-5.

Yu o kisi leli fu man tyai iseefi a wan fasi di o tyai wini gi i.​—Psalm 119:105.

Yu o kon si taki sani o waka bun gi i aini a ten di e kon.​—Romesama 15:4.

 U MU BIIBI DEN SANI DI BEIBEL TAKI YA?

Iya, dii sani de di meke u sa biibi den:

  • Ala den pisi fu Beibel e fiti taa. A wan sani fu 1600 yali langa a teke fu sikiifi Beibel. Wan sani fu 40 man sikiifi en. Gaanse fu den noiti miti anga denseefi wan dei. Ma tokuso ala den sani di den sikiifi aini Beibel e kai taa. Ala den e taki a Yehofa na a tuu Gadu.

  • I sa fitoow den sikiifiman. Sikiifiman á lobi poti den feti di a kondee fu den lasi a buku. Ma den man di sikiifi Beibel taki kiin fu den fowtu di den be meke anga den feti di den kondeeman fu den lasi.​—2 Koloniki 36:15, 16; Psalm 51:1-4.

  • Ala sani di Beibel taki e kon tuu. Tu hondoo yali a fesi, Beibel be taki finifini fa a foto Babilon be o booko (Yesaya 13:17-22). Na dati wawan. A kai a nen fu a man di be o feti wini a foto ya tu!​—Yesaya 45:1-3.

    A so somen taa sani di Beibel be taki a fesi be pasa pilisisi enke fa a be sikiifi. Taa fasi á de, a Wowtu fu Gadu na ala yuu ai kon tuu.​—2 Peitilisi 1:21.

 GO PAKISEI A SANI YA LUKU OSI

Na on sowtu fasi a Wowtu fu Gadu sa yeepi i fu abi wan moo bun libi?

A Beibel e piki a akisi ya aini YESAYA 48:17, 18; anga 2 TIMOTIYESI 3:16, 17.