Skip to content

Skip to secondary menu

Skip to table of contents

Yehofa Kotoigi

Okanisitongo

Aliki Gadu da yu o libi fu tego

 PISI 6

Sa wi e leli fu a Gaan Fuudu di be kon?

Sa wi e leli fu a Gaan Fuudu di be kon?

Gadu be kii den ogii sama, ma a be kibii Nowa anga en osufamii. Kenesesi 7:11, 12, 23

Wan gaan alen be kai 40 dei anga 40 neti langa, neen a hii goontapu be sungu. Ala den ogii sama be dede.

Den taangayesi engel di be kon teke libisama sikin a goontapu ya, gwe fika den sikin de, neen den kon toon ogii yeye.

Ma a den sama di be de aini a gaan boto, a den be taa libi. Anga ala fa Nowa anga den famii fi en dede bakaten, toku so Gadu o gi den libi baka, fu den sa man libi fu tego.

 Gadu o kii den ogii sama baka, ma a o kibii den bun sama. Mateyesi 24:37-39

Satan anga den ogii yeye e tan koli sama ete.

A ten fu u ya na a seefi enke fa a be de aini a ten fu Nowa. Somen sama nai wooko anga den sani di Yehofa e taki. Dyonso moo Yehofa o kii ala den ogii sama.​—2 Peitilisi 2:5, 6.

I abi son sama di de enke Nowa, bika den e aliki a san Gadu e taki. Den e wooko tu anga san ai taki. A den sama de, den e kai Yehofa Kotoigi.