Skip to content

Skip to secondary menu

Skip to table of contents

Yehofa Kotoigi

Okanisitongo

Aliki Gadu da yu o libi fu tego

 PISI 5

Wan Gaan Fuudu be kon​—Sama be aliki anga sama á be aliki?

Wan Gaan Fuudu be kon​—Sama be aliki anga sama á be aliki?

Gaanse fu den sama fu a ten fu Nowa be e du ogii. Kenesesi 6:5

Di Adan anga Efa be meke pikin, neen sama be kon moo ipi a goontapu. Baka wan pisi ten neen wan tu taa manpikin fu Gadu a tapu anda, be taangayesi Gadu tu enke fa Satan be taangayesi Gadu.

Den be kon a goontapu ya, neen den teki libisama sikin fu di den be wani toow anga den uman. Den uman be meke pikin di be toon gaan bigi sama. Den be e atiboon hebi. Den be taanga tu.

A goontapu be kon fuu anga sama di be e du soso ogii. A Beibel e taki „libisama be e du tyaipi ogii na a goontapu. Ala san den be e pakisei fu du, a be soso ogii.”

 Nowa be e aliki Gadu, neen a meke wan alek. Kenesesi 6:13, 14, 18, 19, 22

Ma Nowa be de wan bun man. Yehofa be taigi Nowa taki a be o kii den ogii sama anga wan gaan wataa.

Gadu be taigi Nowa tu fu a be meke wan gaan bigi boto, di den be o kai wan alek. Nowa be mu poti en famii anga ala sowtu meti aini a boto de.

Nowa be e wasikoi den sama taki wan Gaan Wataa be o kon, ma den á be e aliki. Sowan fu den be e lafu Nowa, taawan á be e poi si en na ai seefi.

Di a gaan bigi boto be kaba meke, neen Nowa tyai den meti go aini.