Skip to content

Skip to secondary menu

Skip to table of contents

Yehofa Kotoigi

Okanisitongo

Aliki Gadu da yu o libi fu tego

 PISI 1

Sa u mu du fu aliki Gadu?

Sa u mu du fu aliki Gadu?

Anga a Beibel Gadu e taki anga u. 2 Timotiyesi 3:16

A tuutuu Gadu meke sama sikiifi den pakisei fi en poti aini wan apaiti buku. Na a buku de den e kai Beibel. A buku de abi bosikopu aini di de taanga fanowdu, di Gadu wani meke i kon sabi.

Gadu sabi san moo bun gi wi, bika neen na a mama fu ala koni. Te wi e aliki en dan wi o kon koni.​—Odoo 1:5.

Gadu wani taki ala sama fiya di de a goontapu mu leisi Beibel. Nownow ya a de fu fende aini tyaipi tongo.

Efi i wani aliki Gadu, dan i mu leisi a Beibel, ma i mu fusutan en tu.

 Sama na ala peesi e aliki a bosikopu ya. Mateyesi 28:19

Den Yehofa Kotoigi sa yeepi yu fu i mu fusutan a Beibel.

Na a hii goontapu, den e leli sama fa Gadu de tuutuu.

I ná abi fu pai nawan kopoo sensi te den o leli i. I sa leli sabi Gadu tu a den peesi pe den Yehofa Kotoigi e kon a makandii.