Skip to content

Skip to secondary menu

Skip to table of contents

Yehofa Kotoigi

Okanisitongo

Sama e du a wani fu Yehofa aini a ten ya?

 PISI 5

Fa a o de te yu go a den Kelesten Komakandaa fu u?

Fa a o de te yu go a den Kelesten Komakandaa fu u?

Algentiniya

Siyera Leyon

Belgiya

Maleisiya

Fuu sama nái go a keliki moo, bika den keliki a poi taigi den tuutuu saide meke u de a libi, fa u mu libi, anga den a poi tolowsutu den tu. Da saide meke i mu go a den komakandaa fu den Yehofa Kotoigi dan? Fa yu o fende en te yu go na ape?

Yu o piisii fu de a makandii anga sama di lobi i anga di e booko den ede anga i. Aini a fosi yalihondoo, den Kelesten be paati aini kemeente. Den be e holi komakandaa fu dini Gadu, fu sutudeli Beibel, anga fu gi makandaa taanga (Hebrewsama 10:24, 25). Den ben lobi makandaa tuutuu. Neen meke den be e fii taki den be de anga tuutuu mati di lobi den, den Kelesten baala anga sisa fu den (2 Tesalonikasama 1:3; 3 Yohanisi 14). Na a seefi fasi de wi e du sani tu, neen meke wi abi a seefi piisii de tu.

Yu o fende wini te i leli fa i mu libi anga den mama leli fu Beibel. Leti enke fa a be de aini Beibel ten, a so man, uman, anga pikinengee e kon a makandii. Sama di man gi leli bun e koboloiki Beibel fu yeepi u fu fusutan fa u mu du den sani di Beibel e taki (Deitolonomi 31:12; Nehemiya 8:8). Ala den sama di e kon a komakandaa sa gi piki te takimakandaa e holi anga den alikiman. Ala sama sa singi tu. A so wi e soi sowtu howpu wi enke Kelesten abi.Hebrewsama 10:23.

Den belesi di yu o fende te i meke i biibi aini Gadu kon moo taanga. Na aposteli Pawlesi be taigi wan fu den kemeente aini a ten fi en taki: „Mi e angii te fu si u . . . fu u sa gi makandii taanga. Dati wani taki a biibi fi i o gi mi taanga sikin. Soseefi di fu mi o gi i taanga sikin tu” (Romesama 1:11, 12). Te wi e go a den komakandaa, da a miti di wi e miti naamo anga den baala anga sisa fu u e taanga a biibi fu u. Ai yeepi u tu fu libi anga den lai di Beibel e gi u.

Neen meke wi e kai i fi i kon a den komakandaa fu u, da iseefi o si den sani ya. Wi o piisii te i kon. I ná abi fu pai moni. U nái waka piki moni a sama tu.

  • Fa wi e holi den komakandaa fu wi?

  • Sowtu wini wi o fende te wi e go a den Kelesten Komakandaa?

Moo toli

KOMAKANDAA

San e pasa aini wan Kownukondee zaal?

Luku san e pasa ape.

SAMA A WI

Kemeente komakandaa fu Yehofa Kotoigi

Luku on pe Yehofa Kotoigi e holi den komakandaa fu den anga fa den e holi den.