Skip to content

Skip to secondary menu

Skip to table of contents

Yehofa Kotoigi

Okanisitongo

Sama e du a wani fu Yehofa aini a ten ya?

 PISI 12

Fa a Kownukondee peleikiwooko fu u sete?

Fa a Kownukondee peleikiwooko fu u sete?

Sipanyookondee

Belarus

Hong Kong

Peru

Fosi Yesesi dede, a be taki: „A bun nyunsu fu a Kownukondee fu Gadu mu peleiki doo hii goontapu, dan fosi a kaba fu goontapu o kon” (Mateyesi 24:14). Ma fa a peleikiwooko be o man du a hii goontapu? A te wi e du a peleikiwooko leti enke fa Yesesi be du en di a be de a goontapu.Lukasi 8:1.

Wi e meke moiti fu miti den sama a den osu. Yesesi be leli den disipelli fi en bunbun fa den be mu paati a bun nyunsu osu fu osu (Mateyesi 10:11-13; Toli 5:42; 20:20). Aini a fosi yalihondoo den peleikiman be e abi wan pisi wataa pe den be e peleiki (Mateyesi 10:5, 6; 2 Korentesama 10:13). Na a seefi fasi a peleikiwooko e du aini a ten ya tu. Ala kemeente kisi wan peesi pe den mu peleiki. A sani ya e yeepi u fu du san Yesesi be taki fu „peleiki gi ala nasi, anga fu paati a bun nyunsu finifini”.Toli 10:42.

Wi e meke moiti fu miti sama na ala peesi. Yesesi be soi u fa u mu du a wooko di a be e peleiki a den peesi pe fuu sama be de, enke a lanpeesi, anga den peti pe fuu sama be e kon kisi wataa (Malikisi 4:1; Yohanisi 4:5-15). Useefi e taki anga sama fu Beibel, winsi pe wi e miti den. A sitaati, wooko peesi, efuso anga telefon. Wi e peleiki tu gi den biitisama, wooko mati, sikoo mati, anga sama di u sabi, te u fende wan bun yuu fu du dati. Den somen moiti di wi e du e meke taki miliyunmiliyun sama a hii goontapu e yee ’a bun nyunsu di e fii sama’.Psalm 96:2.

I sabi wan sama di i be sa wani peleiki fu a Kownukondee fu Gadu gi en, anga san a sa wani taki gi en bakaten? Na holi a bosikopu di e gi sama howpu ya, gi iseefi. Paati en gawgaw gi den!

  • San na a bun nyunsu di mu paati?

  • A on sowtu fasi Yehofa Kotoigi e peleiki leti enke Yesesi?