Skip to content

Skip to secondary menu

Skip to table of contents

Yehofa Kotoigi

Okanisitongo

Sama e du a wani fu Yehofa aini a ten ya?

 PISI 8

Saide meke wi e wei bun koosi te wi e go a komakandaa?

Saide meke wi e wei bun koosi te wi e go a komakandaa?

Eisikondee

Meksikow

Guinea-Bisau

Filipeinikondee

I si fa den Yehofa Kotoigi aini a buku ya e wei moi te de e go a den komakandaa fu den? Saide meke wi e seeka useefi anga wi e wei bun koosi te wi e go a den komakandaa?

A fu soi taki wi abi lesipeki gi a Gadu fu u. A tuu taki Gadu e si moo enke san wan libisama ain poi si (1 Samuweli 16:7). Ma te wi e kon makandii fu dini Gadu, da wi wani soi tuutuu taki wi e lesipeki En anga den baala anga sisa fu u. Efi i be o go a wan kownu, da i be o booko yu ede fa yu o wei koosi, bika i wani soi lesipeki gi en. A so a mu de tu taki te wi e go a den komakandaa, da u mu wei koosi di fiti fu di wi e lesipeki Yehofa Gadu, a „Kownu di de fu Tego”. Wi wani soi lesipeki tu gi a peesi pe wi e dini en.1 Timotiyesi 1:17.

U wani soi taki wi e wooko anga san Beibel e taki. Beibel e gi Kelesten a taanga fu wei koosi „a wan lesipeki fasi anga wan fasi di e soi taki den de anga kiinkiin fusutan” (1 Timotiyesi 2:9, 10). Te wi e wei koosi „a wan lesipeki fasi”, da u ná o wei koosi di e meke sama poti pakisei a wi namo namo, koosi di e weki den fii fu taawan, efuso wei satu sani. Te wi de „anga kiinkiin fusutan”, da a sani de o yeepi u fu wei koosi di fiti, wi ná o wei koosi di tawgii. Den leli fu Beibel ya nái tapu u fu wei koosi di useefi lobi. Te wi e wei koosi di fiti da wi „o moi a leli fu u Yeepiman” anga wi o meke taa sama „gafa Gadu” (Titesi 2:10; 1 Peitilisi 2:12). Te wi e wei bun koosi go a den komakandaa, da a sani de sa meke taawan kon dini Yehofa tu.

Ná meke den koosi di i abi tapu i fu kon a den komakandaa peesi fu u. U ná abi fu wei dii efuso modo koosi, ma den mu fiti anga den mu kiin tu.

  • San meke a de taanga fanowdu fu wei koosi di fiti te wi e dini Gadu?

  • Sowtu leli fu Beibel wi e holi a pakisei te wi e luku sowtu koosi wi o wei anga fa wi e seeka useefi?