Skip to content

Skip to secondary menu

Skip to table of contents

Yehofa Kotoigi

Okanisitongo

Sama e du a wani fu Yehofa aini a ten ya?

 PISI 26

San u sa du fu meke den komakandaa peesi fu u tan bun?

San u sa du fu meke den komakandaa peesi fu u tan bun?

Estoniya

Zimbabwe

Mongoliya

Porto Rico

Ala den komakandaa peesi fu Yehofa Kotoigi e tyai a santa nen fu Gadu. Neen ede meke wi e si a kiin di wi e kiin a komakandaa peesi anga a seeka di wi e seeka sani neen, enke wan fasi fa wi e dini Gadu. Ala sama sa gi wan ana.

Yeepi kiin a peesi te komakandaa kaba holi. Ala baka wan komakandaa, da baala anga sisa e kiin a komakandaa peesi anga piisii, fu seeka sani poti taa a den peesi baka. Wan leisi wan wiki de e kiin a peesi moo fini. Wan owluman, efuso wan dinali e teke fesi fu kiin a peesi. Fuu leisi a abi wan pampila pe sikiiifi sowtu sani mu kiin. Ala sama sa sibi, duweili, anga sibi sani puu fungi. De e yeepi seeka den sutuu, kiin den wc peesi, fensee, anga den sipikii. De e tyai den doti go towe, de e kiin doose fu a komakandaa peesi anga a dyali tu. Wan boo wan yali de e kiin a hii komakandaa peesi anga a dyali finifini. Te wi e meke den pikin fu u e yeepi te wi e du den sowtu sani ya, da a so wi e leli den tu fu kon abi lesipeki gi a peesi pe wi e kon makandii fu dini Yehofa.Peleikiman 5:1.

Gi wan ana te yeepi de fanowdu fu seeka sani di booko. Ala yali den baala e waka luku den komakandaa peesi finifini fu luku on sowtu sani booko di den mu seeka, aini se anga doose fu a komakandaa peesi. De e du a sani ya fu meke a komakandaa peesi tan moi, anga fu den á mu meke gaan kosutu bakaten (2 Koloniki 24:13; 34:10). Wi e si en enke wan gaan sani fu dini Gadu aini wan komakandaa peesi di kiin, anga di seeka bun. Te wi e yeepi kiin den komakandaa peesi fu u, da wi e soi taki u lobi Yehofa. Wi e soi tu taki u lobi a peesi pe wi e kon makandii (Psalm 122:1). A sani ya e meke taa sama taki bun fu Yehofa Kotoigi.2 Korentesama 6:3.

  • Saide meke u mu e kiin a peesi pe wi e dini Gadu?

  • Sowtu sani sete fu e kiin a komakandaa peesi?