Skip to content

Skip to secondary menu

Skip to table of contents

Yehofa Kotoigi

Okanisitongo

Sama e du a wani fu Yehofa aini a ten ya?

 PISI 6

Sowtu wini wi o fende te wi e kon a makandii anga taa Kelesten?

Sowtu wini wi o fende te wi e kon a makandii anga taa Kelesten?

Madagaskali

Noorwegen

Libanon

Italiyakondee

Awinsi u mu waka aini gaan busi, efuso aini gaan alen, tokuso wi e go ala yuu a den komakandaa. Den Kotoigi fu Yehofa e go a komakandaa awinsi den abi booko ede aini a libi anga awinsi den weli baka te den komoto a wooko. Ma saide meke den Kotoigi e meke taanga moiti fu kon a makandii anga den taa kotoigi?

A fu di sani mu waka bun anga u. Pawlesi be taki wi mu „poti pakisei a makandii” te wi de a den komakandaa (Hebrewsama 10:24). A sani de wani taki u mu kon leli sabi makandaa moo bun. A aposteli Pawlesi e gi u taanga sikin fu booko wi ede anga taawan. Te wi o leli sabi den baala anga sisa fu u, dan wi o kon fusutan taki denseefi be kisi den tesi tu di wi e miti nownow. Wi e kon sabi fa den be pasa den tesi de tu. A sani de sa yeepi u fu pasa den tesi fu u.

Ai meke wi toon tuutuu mati fu taawan. Den sama di wi e miti te wi e go a den komakandaa, a ná sama di u sabi fala fala namo, ma na tuutuu mati fu u. Te wi e miti anga useefi a taa peesi, dan wi e du somen taa piisii sani anga makandii tu. Sowtu wini wi o fende te wi e mosoo anga makandii? Ai yeepi u fu hei taawan. A dati o meke a lobi di wi abi gi makandaa kon moo taanga. Da te den abi polobelema wi o de kabakaba fu yeepi den, bika den a u mati (Odo 17:17). Te wi e mosoo anga ala sama a den komakandaa, da a so wi e soi taki wi „e booko wi ede anga makandaa.”1 Korentesama 12:25, 26.

U wani gi i a taanga fu teke den wan di e dini Gadu enke i mati. Yu o fende den sowtu mati de a mindii den Yehofa Kotoigi. Gaantangi, ná meke nawan sani tapu i fu kon a makandii anga u.

  • Saide meke sani o waka bun gi u te wi e go a den komakandaa?

  • O ten i be sa wani kon luku fa wi e holi den komakandaa fu u?