Skip to content

Skip to secondary menu

Skip to table of contents

Yehofa Kotoigi

Okanisitongo

Sama e du a wani fu Yehofa aini a ten ya?

 PISI 25

Saide wi e meke komakandaa peesi, anga fa wi e du man meke den?

Saide wi e meke komakandaa peesi, anga fa wi e du man meke den?

Bolifiya

Nigeliya, fa a be de fosi anga fa a de nownow

Tahiti

A den komakandaa peesi fu Yehofa Kotoigi, de e gi sama leli fu Beibel di abi fu du anga a Kownukondee fu Gadu. A dati be de a mama toli di Yesesi be e taki fi en di a be de a goontapu ya.Lukasi 8:1.

A den peesi de sama e kon makandii fu dini Gadu. A den peesi ya de e kon makandii fu go du a peleikiwooko (Mateyesi 24:14). A omen sowtu fasi den meke den komakandaa peesi fu u. Sowan fu den bigi, taawan moo nyoni, ma tokuso nawan fu den bigi tumisi efuso meke gendee tumisi. Aini den bakabaka yali ya, da a omen dunsudunsu nyun komakandaa peesi u meke (wan sani fu feifi ala dei). Wi abi fu du a sani ya fu di moo anga moo sama e kon aini waaleiti. Fa wi e man du a sani ya?Mateyesi 19:26.

Sama e poti moni fu meke den komakandaa peesi ya. De e sende den moni de gi a beikantoo, fu den meke Komakandaa peesi efuso fu seeka den.

Ala sowtu sama e yeepi fu meke den komakandaa peesi sondee fu sama pai den. Aini somen kondee den baala e sete guupu di de e kai Bow guupu fu Komakandaa peesi. Den guupu de e go a omen peesi aini wan kondee fu bow komakandaa peesi. De e go a peesi tu di á makiliki fu doo. Den e yeepi den Kotoigi a den peesi de fu meke a komakandaa peesi fu den. Aini son kondee, den poti baala di e luku a wooko fu bow komakandaa peesi. A den e seeka ala den komakandaa peesi a wan hii pisi fu a kondee. Aladi somen sama di sabi a wooko e go yeepi bow a den peesi ya, tokuso moo gaanse fu den wookoman a sama fu a kemeente seefi. Na a yeye fu Yehofa anga a taanga moiti fi en foluku e meke taki u man du ala den sani ya.Psalm 127:1; Kolosensesama 3:23.

  • Fa a du kon taki Yehofa Kotoigi man meke somen komakandaa peesi a hii goontapu?