Skip to content

Skip to secondary menu

Skip to table of contents

Yehofa Kotoigi

Okanisitongo

Sama e du a wani fu Yehofa aini a ten ya?

 PISI 7

Fa wi e holi den komakandaa fu u?

Fa wi e holi den komakandaa fu u?

Nyun Zekondee

Yapan

Uganda

Litoniya

Den komakandaa di den fositen Kelesten be e holi, den be e singi, anga den be e begi. Den be e leisi Gadu Buku tu, da bakadati den be e taki fi en. Den á be e du nawan sani di abi fu du anga gwenti fu den afo fu den (1 Korentesama 14:26). Na a seefi fasi ya wi e holi den komakandaa fu u tu.

Wi e kisi leli aini Beibel di u sa wooko anga den. Sataa efu sonde da ibii kemeente e kon a makandii fu aliki wan Beibel taki di e holi 30 miniti langa. Den taki ya e soi u fa u sa wooko anga den sani di sikiifi aini Beibel. De e soi u tu den sani di Beibel be taki fu a ten fu u. Na a komakandaa, de e gi ala sama a taanga fu leisi den tekisi aini den Beibel te a baala e holi a taki. Te a taki de kaba, da wi e holi a Wakititolen-Sutudi wan yuu langa. Sama sa gi piki te wi e taki fu wan toli aini A Waktitoren. A sutudi ya e yeepi u fu wooko anga den lai fu Beibel. Na a seefi toli wi e sutudeli aini den moo enke 110.000 kemeente di de a hii goontapu.

Den komakandaa e yeepi u fu gi sama leli moo bun. Mindii wiki wi e abi wan komakandaa di paati a dii pisi. A neti mofu wi e holi a komakandaa ya. Den e kai a komakandaa ya A libi fu wi enke Kelesten anga a peleikiwooko komakandaa. Den sani di wi e leli de aini a buku di den e kai Wi Kelesten libi anga a peleikiwooko komakandaa buku. Na ala mun wi e kisi a buku ya. A fosi pisi di den e kai Den gudu di de aini a Wowtu fu Gadu, e yeepi u fu sabi den pisi fu Beibel moo bun di u mu leisi a wiki de fosi u go a komakandaa. Baka dati, na a pisi Meke moiti fu toon wan moo bun peleikiman wi e si wantu demo di e soi fa u sa taki anga sama fu Beibel. Wan baala e soi u fa u sa leisi efuso taki moo bun anga taawan te wi e peleiki (1 Timotiyesi 4:13). A lasiti pisi den e kai A libi fu wi enke Kelesten. A pisi ya e soi fa u sa wooko anga den sani di sikiifi aini Beibel. Den e holi wan takimakandaa tu di e yeepi u fu fusutan Beibel moo bun.

Te yu o kon a den komakandaa fu u, da yu o si taki yu o foondoo fu den somen sani di yu o leli fu Beibel.Yesaya 54:13.

  • San yu o yee a den komakandaa fu Yehofa Kotoigi?

  • Sowtu wan fu den komakandaa fu u i be sa wani go?