Ohea. Tro fe a hane amelene la itre milio lao atr ka meci ekö qa, a tha Itretre Anyipici Iehova kö angatr. Kola qaja e hnine la Tusi Hmitrötr ka hape, hnei Akötresieti hna thingehnaeane laka, “tro ha mele hmaca la nöjei ka meköt, me ka tha meköti kö” ngöne la fene ka hnyipixe. (Ite Huliwa 24:15) Tro fe a hane amelene la itre atr ka ala nyimu enehila ka nyiqaane nyi hlue i Akötresie. Ngo tha qa i eahuni kö troa amekötine ka hape, drei la itre hna troa amelen, nge drei pë hë la itre hna tha troa amelen. Iesu la hna ahnithe kow la hnëqa cili.—Ioane 5:22, 27.