Tro jë kowe la alien

Tro jë kowe la itre mekune ka co

Tro jë kowe la itre alien

Itretre Anyipici Iehova

Drehu

Mel Me Huliwa Ne Cainöj Ne La Keresiano—Pepa Nyine Huliwan  |  Semitrepa 2017

 MELE NE KERESIANO

Pine Nemene Matre Epuni a Wangatrune La Hmi Ka Wië?

Pine Nemene Matre Epuni a Wangatrune La Hmi Ka Wië?

Hnene la ēnē hna meköle goeëne hnei Ezekiela hna ithuecatre kowe la angetre Iudra ka bëeke qaa hna po laka, tro kö a acile hmaca la hmi ka wië. Ame lo ijine cili, kösë hna ‘acile hutine hune la hene la itre wetr,’ la hmi ka wië. Nge easë fe e hnine la nöjei nöj ka xötr kowe ej. (Isaia 2:2) Hapeu, hnei epuni kö hna hane mekune la manathith ka tru, ene la troa atre me nyihlue i Iehova?

ITRE MANATHITHI QA NGÖNE LA HMI KA WIË:

  • Itre itusi së a sa la itre hnyinge ka tru göne la mel, me hamë eamo nyine xötrethenge, me thue mejiune koi së.—Is. 48:17, 18; 65:13; Rom. 15:4

  • Itre trejin e cailo fen ka ihnim.—Sal. 133:1; Ioane 13:35

  • Manathithi ka tru la troa ce huliwa me Akötresie.—Ite hu. 20:35; 1 Kor. 3:9

  • “Tingetinge ka sisitia qa thei Akötesie” la ka hamë trengecatre koi së, ngöne la itre jol.—Fil. 4:6, 7

  • Tha ka huliwa kö la mekuthetheu së.—2 Tim. 1:3

  • “Eje kö la ithanata acone me Iehova.”—Sal. 25:14

Nemene la aqane tro ni a amamane ka hape, ka tru koi ni la hmi ka wië?