Tro jë kowe la alien

Tro jë kowe la itre mekune ka co

Tro jë kowe la itre alien

Itretre Anyipici Iehova

Drehu

Mel Me Huliwa Ne Cainöj Ne La Keresiano—Pepa Nyine Huliwan  |  Januare 2017

 MELE NE KERESIANO

Mekune Kö Thithi San La Itre Keresiano Hna Axösisin

Mekune Kö Thithi San La Itre Keresiano Hna Axösisin

Hnene la Tusi Hmitrötr hna perofetan laka, tro Satana qana angazo së, matre troa acilëne la huliwa ne cainöj. (Ioane 15:20; Hna Amamane 12:17) Nemene la aqane tro sa xatuane la itre trejine Keresiano hna axösisine ngöne la itre xa götran? Ijije tro sa thithi sai angatr. “Hete thangane atraqate la thithi ne la ate thina ka meköt.”—Iakobo 5:16.

Nemene la aliene la thithi së? Ijije hi tro sa sipo Iehova troa hamëne kowe la itre trejine me easë trahmanyi me föe la trengecatr, me xatua angatr matre tha tro kö a xou. (Isaia 41:10-13) Ijiji së mina fe hi troa thith, matre tro la itre musi a kapa la huliwa ne cainöj, “mate tro sha lapa tha enije, me tingeting.”—1 Timoteo 2:1, 2.

Ame ngöne lo hneijine i Iesu, lo ijine kola axösisi Paulo me Peteru, hnene la itre Keresiano hna thithi sai nyidro me qaja la ëje i nyidro. (Ite Huliwa 12:5; Roma 15:30, 31) Ngacama thatre kö së la itre ëjene la itre trejine me easë hna axösisine enehila, ngo ijiji easë hi troa qaja la itre ekalesia maine itre nöje i angatr ngöne la itre thithi së?

Ajange troa thithi sane la itre trejine Keresiano ka mel e.