Tro jë kowe la alien

Tro jë kowe la itre mekune ka co

Tro jë kowe la itre alien

Itretre Anyipici Iehova

Drehu

Ita Ne Thup (Nyine Inin)  |  Nofeba 2015

Itre Hnyinge Ne La Itre Ka e

Itre Hnyinge Ne La Itre Ka e

Nemene la hna öhne hnene la itre ka ithele (archéologues) ka anyipicine laka, nyimenyime hi la aqane thepe Ieriko?

Iosua 6:10-15, 20 a qaja ka hape, hnene la itre trongene isi angetre Isaraela hna aca tro kanothe la traone cili ngöne la sikisi lao drai. Nge ame hë ngöne la hnaasevene drai, a sevene tro kanothe angatr la traon. Thupene ju hi lai, hnei Akötresieti hna kuca matre trotro lapa pi la itra etë, nge celë hi ka aijijëne la angetre Isaraela troa thepe Ieriko. Hapeu, hna mekun tune fe hi lai hnene la itre archéologues laka, nyimenyime hi la aqane thepe Ieriko?

Ame ekö, lo kola qaja ka hape, kola lapa xötreithe la ketre traon hnene la ketre trongene isi, tre kola hape, angatr a troa isi me thapa la nöj. Nge maine qea ju la hna lapa xötreithe la ketre traon, tro hë la itre atrene la traon a xeni apëne la itre xen. Nge e lepe hë la traone cili hnene la itre sooc, tro hë angatre lai a xom asë la hnei angatr hna ajan, ka tune la xen. Celë hi hna öhne hnene la itre archéologues lo angatr a wange la itre uma ne Palestin. Ngo tha hna tune kö kowe la traone Ieriko. Önine la ketre itus (Biblical Archaeology Review): “Tru catre la itre ewekë hna xup hnei dro hna öhne e cili, nge tru catre hmaca kö la xen, nge ketre ewekë lai tha hna majemine kö öhn.”

Öni Tusi Hmitrötr, hnei Iehova hna wathebone la angetre Isaraela troa xome la ketre ewekë e cili, nge goi tha tro fe a xomi xen. (Iosua 6:17, 18) Ketre, hna lepe la traone cili thupene la ijine hnötr, nge hmekune la ijine cia feja me hamë wen. (Iosua 3:15-17; 5:10) Haawe, tha sesëkötre kö së laka, tru catr hnei xen hna öhne e cili ke, nyimenyime hi la aqane thepe Ieriko, tune lo aqane qaja hnei Tusi Hmitrötr.