Tro jë kowe la alien

Tro jë kowe la itre mekune ka co

Tro jë kowe la itre alien

Itretre Anyipici Iehova

Drehu

Ita Ne Thup (Nyine Inin)  |  Juun 2016

Nue Iehova Jë Troa Xome Ameköti Së

Nue Iehova Jë Troa Xome Ameköti Së

“Hana wang, cei tui nyipunie, ngöne la iwanakoimeng, memine la dro ka fede ngöne la iwanakoime ne la ate xupi inege.”IEREMIA 18:6.

NYIMA: 6022

1, 2. Pine nemene matre qeje Daniela jë hnei Akötresie ka hape, “ate hna hanyin,” nge nemene la aqane tro sa idrengethenge?

AME la kola xomi angetre Iudra troa po e Babulona, traqa ha angatr a öhne la traon ka nyimu idrola nge itre atr a thile kowe la itre haze ka calogitr. Ngo hnene la itretre Iudra ka mele nyipici, tui Daniela me köni sinee i angeic hna xele ma mele thenge la aqane mele ne la angetre Babulona. (Daniela 1:6, 8, 12; 3:16-18) Hnei angatr hna nue Iehova lo Atre Xupi Inege Ka Tru, troa xome ameköti angatr, matre tha cile kö angatre troa nyihlue i Nyidrëti. Ngacama hna mele hnei Daniela e nyipine la itre ewekë ka ngazo, ngo önine la angela i Akötresie, angeic la “ate hna hanyin.”—Daniela 10:11, 19.

2 Ame ngöne la itre drai hnapan, hnene la atre xupi inege hna majemine xupexupe hnyawane la dro ka fedr thenge la aja angeic. Itre hlue i Iehova enehila a atrehmekune laka, Iehova hmekuje hi la Atr Musi Cile, nge meköti koi Nyidrë troa xome amekötine la itre nöj. (E jë la Ieremia 18:6.) Meköti fe koi Nyidrë troa xome ameköti së, easë isa ala cas. Ngacama tha Nyidrëti  kö a musinë së troa ujë, ngo ame pe, aja i Nyidrë tro sa nue Nyidrë troa xome ameköti së. Ame ngöne la tane mekune celë, tro sa ce wange la nyine tro sa kuca matre tro pala hi sa ceitu me dro ka fedre ngöne la iwanakoime i Akötresie. Tro sa ce ithanatane la köni hnyinge celë: (1) Nemene la itre thiina nyine troa thipetrije matre tha tro kö sa ceitu me dro ka qaqacil? (2) Nemene la itre thiina ka nyipi ewekë koi së matre tro pala hi sa ceitu me dro ka fedr nge hna xome amekötine hnei Iehova? (3) Nemene la aqane tro la keme me thin a ce huliwa me Iehova matre troa xome amekötine la itre nekö i nyidro?

THIINA NYINE TROA THIPETRIJ

3. Nemene la itre thiina nyine tro sa thipetrij matre tha tro kö a xeti la itre hni së? Qaja jë la ketre hna melën.

3 Öni Ite Edomë 4:23 ka hape, “Nyipi thupëne hnyawa ju la hni’ö, ke xulu hë la mele qa ngön’ ej”. Maine easa ajane matre tha tro kö a catr maine xeti la itre hni së, nyipi ewekë tro sa thipetrije la itre thiina ka ngazo, tune la pi tru me itre hna majemine ka ngazo me tha lapaun, wanga tro sa tha idrei me icilekeu. (Daniela 5:1, 20; Heberu 3:13, 18, 19) Celë hi ewekë ka traqa koi Uzia joxu ne Iudra. (E jë la 2 Aqane lapa ite Joxu 26:3-5, 16-21.) Ame ngöne la xötrei, ka idrengethenge Uzia nge lolo la aqane imelekeu i angeic me Akötresie, matre hnei Iehova hna acatrenyi angeic. Nge ‘catrë hë angeic, ame hnei angeic hna pi tru.’ Atraqatre la pi tru i angeic matre hnei angeic hna thele troa dreu sinöe ka pui loi hnine la ēnē ngo hnëqane pe la itretre huuj. Ame la angatr a qaja amamane la ngazo i angeic, elëhni jë hi angeic. Hnene la pi tru i angeic, matre hnei Iehova hna lepi angeic hnei lepera nge meci fë ju kö angeic.—Ite Edomë 16:18.

4, 5. Qaja jë la ewekë ka traqa e tha thipetrije kö së la thiina ka pi tru?

4 Maine tha thipetrije kö së la pi tru, tro hë së lai a mekune ka hape, ka sisitria kö së hui itre xan. Ketre, tro së lai a xele ma kapa la itre ihaji qa hnine la Tusi Hmitrötr. (Ite Edomë 29:1; Roma 12:3) Celë hi ka traqa koi Jim, ketre qatre thup; isazikeu kö la mekuna i angeic memine la itre xa qatre thup ne la ekalesia göne la ketre ewekë ka traqa. Öni Jim: “Öninge koi angatr, pëkö ca ihnimi angatr, eni pë hë a lö triji pi la icasikeu hun.” Traqa koi sikisi lao treu thupen, angeic a feke kowe la ketre ekalesia ngo tha hna acili angeice kö e cili troa qatre thup, matre tha madrine kö angeic. Ame koi angeic, tha angeice kö la ka tria, matre tha kuca ha angeic la itre huliwa i Akötresie koi treene lao macatre. Öni angeic, ka pi tru angeic ekö nge hnei angeic fe hna nyiqaane qeje gele Iehova pine la itre ewekë ka traqa. Nyimu macatre ne wai angeice lapa hnene la itre trejine me thele troa xatua angeic, ngo xele pi kö angeic ma kapa la ixatua.

5 Öni Jim: “Hnenge pala hi hna göeëne catrëne la tria i itre xan.” Kola amamane koi së jëne la tulu i angeic laka, tro la thiina ka pi tru a uku së troa catre fë la tria së. E aqane ujë së hi lai, tha ceitu së hë me dro ka fedr. (Ieremia 17:9) Hapeu, hna hane akötrë epuni fe hë hnene la ketre trejin, maine hleuhleu pena ke, hna xome qaathei epuni la ketre hnëqa? Hnei epuni kö hna pi tru e cili? Maine pena, ka sisitria catr kö koi epuni la troa iloi memine la itre trejin me mele nyipici koi Iehova?—E jë la Salamo 119:165; Kolose 3:13.

6. Nemene la ewekë ka traqa kowe la atr ka majemine kuca la ngazo?

6 Maine hnene la ketre atr hna majemine kuca la ngazo maine kuca juetrën, tro lai a  jole koi angeice troa kapa la ixatua i Iehova. Ketre, tha jole hë koi angeice troa kuca lapan. Matre önine la ketre trejin ka hape, tha cile hnö hë angeic troa kuca la ngazo. (Ate Cainöje 8:11) Önine mina fe la ketre trejin ka majemine ekö goeëne la itre iatre ka sis, ka hape, “Eni fe hë a hane qeje gelene la itre qatre thup.” Celë hi ka angazone la aqane imelekeu i angeic me Iehova. Ame hë e thupen, hna atre hë hnene la itre xa trejine la huliwa i angeic, ene pe, xatua angeice jë hi hnene la itre qatre thup. Eje hi laka, itre atr ka ngazo asë hi së. Ngo ame hë la easë a nyiqaane qeje gelene la itre ka haji së maine thele kepine la aqane ujë së nge tha thele ixatua pe me canga ietra koi Iehova, mama ha lai ka hape, ka catre hë la itre hni së.

Hnene laka, catre pala ha la hni angatr nge tëtë hi la lapaune i angatr, ene pe, meci ju kö angatr ngöne la hnapapa

7, 8. (a) Nemene la ka amamane ka hape, ka catre la itre hni ne la angetre Isaraela? (b) Nemene la ini koi së?

7 Ame lo Iehova a thepe angetre Isaraela qa Aigupito, hnei angatre hna öhne la mene i Nyidrë. Ngo ame pë hë la angatr a easenyine la Nöje Hna Thingehnaean, kolo ha catre la itre hni angatr. Pine nemen? Pine laka, pëkö lapaune i angatr. Tha mejiune hmaca kö angatr koi Iehova, matre angatr a nyiqaane xou me qeje gele i Mose. Goi pi bëeke hmaca fe angatr e Aigupito ngacama hna thahluë angatr ekö e cili! Matre kola akötrëne catrëne la hni Iehova. Öni Nyidrë: “Tro la nöjei ate celë a methinë ni uti hë eu?” (Numera 14:1-4, 11; Salamo 78:40, 41) Hnene laka, catre pala ha la hni angatr nge tëtë hi la lapaune i angatr, ene pe, meci ju kö angatr ngöne la hnapapa.

8 Ketre tune mina fe enehila, easenyi hë matre tro sa hane mele ngöne la fene ka hnyipixe, matre kola tupathe hnyawa la lapaune së. Haawe, nyipi ewekë tro sa waipengöne la lapaune së. Nemene la nyine tro sa kuca? Loi e tro sa wange hmaca lo hnei Iesu hna qaja ngöne Mataio 6:33, me isa waipengö së me hape: ‘Kolo kö a mama jëne la itre mekun hnenge hna axeciën ka hape, eni a mejiune kowe la itre ithanata i Iesu? Tro kö ni a triane la itre icasikeu maine tha cainöje trootro göi troa thele mani? Nemene la nyine tro ni a kuca elanyi e traqa jë upi ni troa huliwa atruny? Tro kö ni a nue la fene celë troa amekötine la thiinang me ananyi ni qaathei Iehova?’

9. Pine nemene matre nyipi ewekë tro pala hi sa “tupathe” la lapaune së, nge nemene la aqane tro sa kuca?

9 Maine jë, tha trongëne hë së la hna qaja hnei Tusi Hmitrötr göi itre sinatro, me itre hna upetrön eë, me itre nyine iamadrinë. Matre nemene la nyine tro sa kuca e cili? Loi e tro sa canga waipengöne hnyawa la lapaune së, ke öni Tusi Hmitrötr: “Thelejë e kuhu ite hni nyipunieti kö, hape u, nyipunieti hë ngöne la lapaun ; tupathi nyipunieti ju kö.” (2 Korinito 13:5) Tha tro pi kö sa thele kepine la aqane ujë së, ngo loi pe tro sa nue la Tusi Hmitrötr troa xome amekötine la itre mekune së.

 ITRE JËNE XOME AMEKÖTI SË

10. Nemene la ka troa xatua së matre tro pala hi sa ceitu me dro ka fedr?

10 Hnei Iehova hna xatua së jëne la Wesi Ula i Nyidrë, me jëne la ekalesia, me jëne la huliwa ne cainöj matre tro pala hi sa ceitu me dro ka fedr. Matre, ame la easë a e la Tusi Hmitrötr o drai me lapa mekun ej, easë hi lai a nue Iehova troa xome ameköti së. Hnei Nyidrëti ekö hna amekötine kowe la itre Joxu ne Isaraela troa e o drai la Trenge Wathebo i Nyidrë. (Deuteronomi 17:18, 19) Ketre, hnene la itre aposetolo hna catre e la Itre Hna Cinyihan me lapa mekune itre ej, ke atre hi angatr laka, ixatua ka tru lai kowe la huliwa ne cainöj. Traqa jë kö koi 320 lao hna cinyihane qene heberu hnei angatre hna xome troa amë hnine la itre tusi angatr. Nge ame la angatr a cainöje trootro, angatre fe a xatuane la itre atr troa hane huliwane la itre hna Cinyihan. (Ite Huliwa 17:11) Haawe, easë fe a atrehmekune enehila la enyipiewekëne troa e la Tusi Hmitrötr o drai me lapa mekune ej. (1 Timoteo 4:15) Tro lai a xatua së troa ipië, me aijijë Iehova troa xome amekötine la itre thiina së.

Nyipi ewekëne jë la itre hna hnëkëne hnei Akötresie matre tro pala hi sa ceitu me dro ka fedr (Wange ju la paragarafe 10-13)

11, 12. Nemene la aqane xome ameköti së hnene la ekalesia? Qaja jë la ketre hna melën.

11 Atre hnyawa hi Iehova la itre aja së, nge jëne la ekalesia, Nyidrëti a xome ameköti së. Hnei Jim, lo trejin hne së hë hna ce ithanatan, hna ujë la thiina i angeic ke hna nyipi ewekë angeic hnene la ketre qatre thup. Öni Jim: “Tha hnei angeice pi kö hna qaja la itre geleng. Hnei angeice pe hna catre goeëne la itre ewekë ka loi theng, me amamane la aja i angeice troa hane xatua ni.” Matre, thupene jë hi la köni treu, hnene lai qatre thup hna könë Jim kowe la hna icasikeu. Öni angeic ka hape, hnene la ekalesia hna kepe angeice hnyawa me xome amekötine la itre mekuna i  angeic. Ame e cili, angeic ha trotrohnine laka, ka tria la aqane mekuna i angeic. Hnene la itre qatre thup ne la ekalesia me föi angeic hna xatua angeice hnyawa, matre hetre trenge catre i angeice jë hë troa bëeke koi Iehova. Hna hane xatua angeice fe hnene la lue tane mekune celë, “The Nyi Zö i Iehova Kö” me “Nyihlue Nyipici Jë Koi Iehova,” ngöne la Ita Ne Thup ne 15 Nofeba 1992, qene Wiwi.

12 Traqa ha la ijine kola acilë Jim hmaca troa qatre thup. Matre, angeice pë hë a xatuane jë la itre trejin ka hane ujë tui angeic, me acatrene la lapaune i angatr. Ame koi angeic ekö, ka lolo hi la aqane imelekeu i angeice me Iehova ngo ka tria pe la mekuna i angeic! Haawe hnene la pi tru i angeic ekö, matre tha kuca ju hi angeic lo itre huliwa i Akötresie.—1 Korinito 10:12.

Ame la easë a nyitipune la itre thiina i Iesu, itre atr a pi drenge la maca hne së hna tro fë, ene pe, saze jë fe hi la itre thiina i angatr

13. Nemene la aqane xome ameköti së hnene la huliwa ne cainöj? Qaja jë la ketre hna melën.

13 Kolo fe a xome amekötine la itre thiina së hnene la huliwa ne cainöj. Ame ngöne la easë a cainöjëne la maca ka loi, nyipi ewekë tro sa amamane la thiina ka ipië memine la itre xa thiina i Akötresie. (Galatia 5:22, 23) Pane mekune jë la itre thiina hnei epuni hna melëne hë hnene la hna cainöje trootro. Ame la easë a nyitipune la itre thiina i Iesu, itre atr a pi drenge la maca hne së hna tro fë, ene pe, saze jë fe hi la itre thiina i angatr. Celë hi hna melën hnene la lue trejin e Australie. Hnei nyidroti hna cainöje kowe la ketre föe, ngo tha kapa kö eahlo, goi ithanata akökötrenyi fe eahlo koi nyidro. Ngo tha hnei nyidroti kö hna wesitr, hnei nyidroti pe hna drei eahlo hnyawa. Ame hna hmahma lai föe pine la aqane ujë i eahlo. Eahlo pë hë a cinyianyi jë kowe la filial göi troa qeje menu. Öni eahlo, “Hmo catre ni troa icilekeu memine la lue atre tro fë la Wesi Ula i Akötresie, me upi nyidro qa la.” Kolo hi lai a amamane koi së la enyipiewekëne troa loi thiina ngöne la easë a cainöje trootro. Eje hi laka, ketre ewekë ka loi kowe la itre atr la huliwa ne cainöj, ngo eje fe a xatua së troa xome amekötine la itre thiina së.

CE HULIWA JË ME AKÖTRESIE

14. Nemene la nyine tro la itre keme me thin a kuca?

14 Ame la easë a goeëne la itre nekönatr, canga mama hi thei nyudreni la ipië nge aja i nyudreni troa kapa la ini. (Mataio 18:1-4) Matre, loi e tro la itre keme me thin a canga inine la nekö i nyidro e nekönatre petre kö. (2 Timoteo 3:14, 15) Ngo loi e tro nyidroti a pane isa hnine la nyipici me melëne la itre trepene meköti ne la Tusi Hmitrötr. Haawe, e hnei nyidroti hna ujë tune lai, tro ha hmaloi kowe la nekö i nyidro troa hnine la nyipici. Ketre, tro hë nyudreni a trotrohnine laka, ame la kola ameköti nyudren hnei keme me thin tre, hatrene ihnim i nyidroti lai me Iehova.

15, 16. Troa amamane tune kaa hnene la keme me thin ka hape, nyidro a mejiune koi Iehova e traqa jë upetrön eëne la nekö i nyidro?

15 Maine nyipici laka, hna catre hnene la keme me thine troa hiane la nekönatr ngöne la nyipici, ngo hetre itre nekönatr ka tro triji  Iehova nge hna upetrön eën. Matre tru la hace ne la itre atrene la hnepe lapa ngöne la ijine cili. Önine la ketre trejine föe qa Afrique du Sud: “Ame la kola upetröne eë la neköi jining, tre kösë eni a hnë mecine la neköi jining. Akötre catre pi hë!” Matre nemene la hna kuca hnei angeic me keme me thine i angeic? Hnei angatre hna trongëne hnyawa la hna amekötin hnei Tusi Hmitrötr, ene la troa iananyi memine lai hna upetrön eë. (E jë la 1 Korinito 5:11, 13.) Ame koi keme me thin, ngacama hace koi nyidro ngo atre hi nyidro laka, nyine loi lai koi nyidro. Nge ketre, ka eje hnyawa e kuhu hni nyidro ka hape, Iehova hi lai a hnime la nekö i nyidro, ke hatrene ihnimi Nyidrë la kola upetrön eë la atr. Celë hi matre, hnei nyidroti hi hna hëne la nekö i nyidro e hetre jole ka tru ka traqa e hnine la hnepe lapa.

16 Nemene la hna mekun hnene la hna upetrön eë la kola kepe angeice hmaca? Öni angeic, “Xeci hnyawa koi ni laka, tha hnepe lapange kö a xele ma wai ni, ngo angatr pe a nyipici koi Iehova me organizasio i Nyidrë.” Öni angeice hmaca jë, “Ame la epuni a thele tro Iehova a köletrije la itre ngazo i epun, epuni hi lai a atrehmekun e cili laka, ka nyipi ewekë catre Nyidrë kowe la mele i epun.” Drei jë la etrune la madrine ne la hnepe lapa la kola bëeke hmaca hnei angeic! Eje hi laka, e hne së hna drengethenge Iehova pala hi, tro pala hi së lai a mele madrin.—Ite Edomë 3:5, 6; 28:26.

Maine tro pala hi sa ipië me catre drengethenge Iehova, tro ha hnime catrë së hnei Iehova

17. Pine nemene matre nyipi ewekë tro pala hi sa drengethenge Iehova, nge nemene hë elanyi la thangan?

17 Hnei Isaia hna perofetane ka hape, tro la angetre Isaraela ka po e Babulona a ietra, nge e cili, tro angatr a qaja ka hape: “Enehila [Iehova] la Tetetro i nyihunie, eëhuni la dro ka fed, nge enëtilai la ate xupi inege, nge eëhuni asëjëihë la huliwa ne la lue themie i enëtilai.” Nge tro fe angatr a xëwe koi Nyidrë me hape: “The tro pala kö a mekune la thina ka ngazo epine palua; hana xajawatin, epi öhnejë ; eëhuni asëjëihë la ite ate i enëtilai.” (Isaia 64:8, 9) E ka ipië së me ka catre drengethenge Iehova, easë fe hi lai la ketre atr hna hnime catrën hnei Iehova tui Daniela. Ngo eje hi laka, tro pala kö Iehova a xome ameköti së jëne la Tusi Hmitrötr, me jëne la uati hmitrötr, me jëne la organizasio i Nyidrë, matre tro fe hë së elanyi a hane “ite nekö i Akötesie.”—Roma 8:21.