Tro jë kowe la alien

Tro jë kowe la itre mekune ka co

Tro jë kowe la itre alien

Itretre Anyipici Iehova

Drehu

Ita Ne Thup (Nyine Inin)  |  Okotropa 2017

Atre Fe Hi Nyipunie?

Atre Fe Hi Nyipunie?

Nemene la aqane goeëne Iesu la troa sisiny?

HNENE la Wathebo i Mose hna aijijën la itre atr troa sisiny ka hape, “Loine Akötresie,” maine “Loine Iehova. Ngo, ame ngöne la ijine i Iesu, kola sisinyi menu hnene la itretre Iudra. Angatr a sisinyi ke, angatr a ajan troa jelenyipicin la nöjei ithanata hnei angatr hna qaja. Ngo, alua jelengazone lai hnei Iesu. Öni nyidrë: “Loi la ewekë i nyipunie troa Eje hi, eje hi ; Pëkö, pëkö.”—Mataio 5:33-37; 23:16-22.

Hna qaja hnene la ketre itus (Theological Dictionary of the New Testament) ka hape, jëne la Talmud, easa trotrohnine la kepin matre, itretre Iudra ekö a sisinyi menu. Ej a amamane laka, hetre itre hna sisinyi kow nyine troa eatrën, nge hetre itre nyine troa tha eatrën.

Hetre itre xa atre fe ka jelengazone la aqane huliwa cili. Flavius Josèphe la ketre e angatr, ketre historien, atre Iudra . Hnei angeic hna qaja la ketre hmi Iudra laka, tha ka sisinyi kö angatr. Ame koi angatr, ka ngazo catre kö la troa sisinyi hune la troa thoi. Öni angatr, e tro la atr a sisinyi matre troa jelenyipici angeic, kolo lai a hape, angeice hi lai a thoi. Önine la ketre itusi ne la angetre Iudra (The Jewish Apocryphal writing Wisdom of Sirach, maine Ecclesiasticus, [23:11]) ka hape: “Ame la atr ka sisinyi ke, wanaithihlë.” Hnei Iesu hna jelengazone la atre sisinyi menu. E ka nyipici pala hi la hne së hna qaja, tha tro kö së lai a sisinyi matre troa jelenyipici së.