Tro jë kowe la alien

Tro jë kowe la itre mekune ka co

Tro jë kowe la itre alien

Itretre Anyipici Iehova

Drehu

Ita Ne Thup (Nyine Inin)  |  Januare 2017

Atre fe hi nyipunie?

Atre fe hi nyipunie?

Nemene la aqane amele i eë ekö hnene la itre atr, la angatr a feke kowe la ketre götran?

AME ngöne Genese mekene 22, Akötresie a upi Aberahama troa tro kowe la ketre götrane gaa nanyi matre troa huuj koi Nyidrë. Kola qaja ka hape: “Ame hnei Aberahama hna xome la uke sinöe thatraqane la huje ne deuth, me atë hui Isaaka nekö i nyidë; nge nyidëti a xome la eë, memine la hele; nge nyidoti a ce tro.”—Genese 22:6.

Tha hna qaja kö hnei Tusi Hmitrötr la aqane amele i eë hnei itre atr ngöne la ijine cili. Matre, hapeu, hnei Aberahama kö me Isaka hna amele i eë, me xome trongëne lai eë? Önine la ketre atr ka qejepengöne la Tusi Hmitrötr ka hape, tha ketre eë kö lai nyine troa xome trongëne me “thupa la itre gojenyi ka nanyi memin.” Kolo pe a mekune laka, hnei Aberahama me nekö i angeic hna xom la nöjei ewekë ka ijij nyine troa amele i eë.

Ngo itre xan a qaja ka hape, tha ka hmaloi kö troa nyiqaane amele i eë ngöne la ijine cili. Matre, e ijij, angatr a sipone thene la atr ka lapa easenyi angatr la ketre wanalep, matre troa amele i eë. Ala nyimu la itre ka inamacane ka mekune ka hape, hnei Aberahama hna xom la itre wanalep qëmekene troa fek. Angatr a amë hnine la itre trengene ka catr, tune la neköi öl hna athip ngöne cein, nge angatr a xome trongëne ngöne la angatr a feke kowe la ketre götran. (Isaia 30:14) Haawe, celë hi ka aijijë angatr troa ce xome lai memine la itre xa sinöe ka mec göi troa amele i eë.