Tro jë kowe la alien

Tro jë kowe la itre mekune ka co

Tro jë kowe la itre alien

Itretre Anyipici Iehova

Drehu

Ita Ne Thup  |  Na. 6 2017

Kola Sa Hnei Tusi Hmitrötr

Kola Sa Hnei Tusi Hmitrötr

Nemene la aliene la hna hape Amagedo?

Kola mekun hnei itre xan  . . .

Ka hape, kola qaja la fen hna troa apatrene hnene la ketre boob ka tru, maine pena kola angazon me adrone la ihnadro. Nemene fe la mekuna i epun?

Hanawange la hna qaja hnene la Tusi Hmitrötr

Ame la hna hape Amagedo, tre, kola nyihatrene la ketre götrane ne “la ishi ngöne la drai atraqate i Akötesie kapucatinasë.” Nyidrëti a isi memine la itre atr ka ngazo.—Hna Amamane 16:14, 16.

Nemene la itre xa ini qa hnine la Tusi Hmitrötr

  • Akötresie a isi ngöne la isi e Amagedo, ngo tha kolo kö a troa apatrene la ihnadro. Nyidrëti pe a troa thepe ej qaathene la itre atr ka angazone ej.—Hna Amamane 11:18.

  • Isi e Amagedo laka troa nyipune la nöjei isi asë.—Salamo 46:8, 9.

Hapeu hetre itre atr ka troa mele ngöne la isi e Amagedo?

Ame koi epun, tre

  • Eje hi

  • Ohea

  • Maine thatre kö epun

Hanawange la hna qaja hnene la Tusi Hmitrötr

Ame “la ka ala nyimu atraqat” ka qa ngöne la nöjei nöj, tre, angatre hi la itre ka troa mele pe “qa ngöne la aköte atraqat,” nge troa nyipune lai hnene la isi e Amagedo.—Hna Amamane 7:9, 14.

Nemene la itre xa ini qa hnine la Tusi Hmitrötr

  • Ame la aja i Akötresie, tre, tro la nöjei atr a mele ngöne la isi e Amagedo. Nge thupene lai, tro Nyidrëti a apatrene la itre atr ka ngazo.—Ezekiela 18:32.

  • Tusi Hmitrötr a qaja la aqane troa mel ngöne la isi e Amagedo.—Zefania 2:3.