Tro jë kowe la alien

Tro jë kowe la itre mekune ka co

Tro jë kowe la itre alien

Itretre Anyipici Iehova

Drehu

Ita Ne Thup  |  Na. 4 2016

 KA QA NGÖNE ICETRÖN | HUNE JU KÖ—LA TUSI HMITRÖTR

Kepine Matre Hune Ju Kö La Tusi Hmitrötr

Kepine Matre Hune Ju Kö La Tusi Hmitrötr

Pine laka tha paatre ju kö la Tusi Hmitrötr, haawe, isa hetre Tusi Hmitrötr së hë, nge ijiji së hë troa hane e. Nge maine easa ajane troa iëne la Itre Hna Cinyihane hna ujëne hë, loi e xecie hnyawa koi së laka, ame la itre hne së hna e, tre, Itre hna Cinyihane lai hna fejane hnyawa. * Ngo pine nemene matre hune ju kö la Tusi Hmitrötr ngacama nyimutre la itre ewekë ka tru ka traqa ekö, tune la kola catrehnine la icilekeu, me canga hnyeqetr nge hna thele fe troa saze la alien ej? Nemene la ka ketrepengöne ngöne la itusi celë?

“Xecie hnyawa ha koi ni la ka, ame la Tusi Hmitrötr tre, ketre ahnahna qaathei Akötresie”

Nyimutre la itre ka ini Tusi Hmitrötr, angatr a ce thawa la mekune hna cinyihane hnei Paulo aposetolo, lo hna hape, “Qa thene la Ua i Akötesie la hna cinyihan’ asë.” (2 Timoteo 3:16) Ka xecie hnyawa koi angatr laka, tha paatre ju kö la Tusi Hmitrötr, ke, Wesi Ula i Akötresie la itus cili, nge hnei Nyidrëti hna thupën eje uti hë enehila. Hnei Faizal, lo atr hne së hna ce ithanatane hë ngöne lo pane tane mekun, hna ketre sipu thele troa pane inine la Tusi Hmitrötr. Hna asesëkötrë angeic hnene la itre hnei angeic hna e. Trotrohnine ju hi angeic ka hape, paatre fe kö e hnine la Tusi Hmitrötr, la itre xa ini hna hamëne hnene lo itre Hmi Keresiano Göi Ëjen. Ketre, hna ketr la hni angeic hnene la hna qaja hnei Tusi Hmitrötr, göne la hnei Iehova hna troa kuca e celë fen.

Öni angeic ka hape, “Xecie hnyawa ha koi ni la ka, ame la Tusi Hmitrötr tre, ketre ahnahna qaathei Akötresie. Maine nyipici laka Akötresie la Atre Xupe la hnengödrai memine la fene hnengödrai, drei la ka atreine troa sewe Nyidrë troa hamë së la ketre itus me thupëne matre tha tro kö a paatr? Eje hi lai laka, maine tro sa catre fë mekun, easë hi lai a wangacone la mene i Akötresie, me wangesixane la menene la Atre Kapucatinasë! Nge ka ue ni matre wangacone la mene i Akötresie?”—Isaia 40:8.

^ par. 3 Xome jë la tane mekun ne la Ita Ne Thup ne 1 Mei 2008, hna hape, Comment choisir une bonne traduction de la Bible?