Tro jë kowe la alien

Tro jë kowe la itre alien

Itretre Anyipici Iehova

Iëne jë la qene hlapa Drehu

Edromë 80: Hmacahmaca Ha Qaa Babulona

Edromë 80: Hmacahmaca Ha Qaa Babulona

LUE macatre hë thupen lo hna thapa e Babulona, hnei angetre Madai me Peresi. Nge hanawang la ewekë ka traqa enehila! Angetre Isaraela a tro trij e Babulona. Hna tune kaa matre, nue angatre pi qaa Babulona? Drei la ka nue angatr troa tro trij la nöj?

Hna nue angatr hnene la joxu ne Peresi, Koreso la ëje i nyidrë. Nanyi catre pala kö matre hnaho Koreso pi, nge Iehova fe hë a upi Isaia troa cinyihan, matre qeje angeic, kola hape: ‘Tro eö a kuca thenge la hnenge hna ajan tro eö a kuca. Troa fe la itre qanahag matre tro eö a thapa la nöj.’ Celë hi hna kuca lai hnei Koreso, ngöne la nyidrëti a tane la trongene isi, matre troa thapa e Babulona. Hna lö hnine la traon e jidr hnei angetre Madai me Peresi, thaa jole ju kö, pine laka, thaa hna thinge kö la itre qanahage ne ej.

Ngo hna qeje Koreso mina fe hnei Isaia perofeta ka hape, tro nyidrë a iupi troa acile hmaca e Ierusalema, me troa xupe la ēnē. Matre hapeu, hnei Koreso ju kö hna eatrëne lai? Eje hi. Celë hi lai hna qaja hnei Koreso koi angetre Isaraela, öni nyidrë: ‘Tro jë enehila a tro Ierusalema me xupe la ēnē i Iehova, Akötresi nyipunie.’ Nge hna tro tune hi lai hnei angetre Isaraela.

Angetre Isaraela a hmacahmca qaa Babulona

Ngo thaa hna bëeke asë kö la itretre Isaraela a tro Ierusalema, pine laka, nanyi catr koi itre xan la gojenyi qaa Babulona a tro Ierusalema, ene pe lapa ju pë hë. Kösë hetre 800 kilomet la iananyin la lue nöj, celë hi matre ame koi itre qatr ka kucakuca ha me itre ka wezipo, thaa ijiji angatre pë hë troa hane xome la gojenyi ne bëeke hmaca. Ame itre xan, kola lapa hnei itre xaa kepine kö. Ngo Koreso a qaja kowe la itre ka lapa pë hë ka hape: ‘Hamëne pi la sileva me gool me itre xaa ahnahna kowe la itre atr ka troa bëek, matre troa acile hmaca e Ierusalema me xupe la ēnē.’

Haawe, nyimutre la itre ahnahna hna hamën kowe la itretre Isaraela ka troa bëeke hmaca Ierusalema eë. Ketre, kola hamën mina fe hnei Koreso koi angatr, la itre inege memine la itre kap hnei Nebukaneza joxu hna thöeën qa hnine la ēnē i Iehova, lo ijine nyidrëti ekö a lep e Ierusalema. Nyimutre catr la itre ewekë, nyine troa tro xome trongën hnei angatr.

Ma troa traqa kowe la foa lao treu ne tro angatr, nge thupene lai, kola traqa e Ierusalema, matre eatrën lo ijin hna nyi hatren. Kösë kola traqa kowe la 70 lao macatre, thupene lo hna lep apaatren la traon, matre pë hë alien me atren la nöj. Ngacama kola traqa hnene la angetre Isaraela ngöne la sipu nöje i angatr, ngo ame pe, calemi hë la itre ijin ka troa jole catr koi angatr, celë hi hne së hmaca pe hna troa ce wang.

Isaia 44:28; 45:1-4; Ezera 1:1-11.



Itre Hnying

  • Tune la hna amamane ngöne la iatr, nemene la hna kuca hnei angetre Isaraela?
  • Tune kaa la aqane eatrën hnei Koreso la hna perofetan hnei Iehova jëne Isaia?
  • Nemene la hna qaja hnei Koreso kowe la angetre Isaraela ka lapa pë hë e Babulona?
  • Nemene la hnei Koreso hna hamën kowe la itre atr nyine troa bëeke fë a tro Ierusalema?
  • Ije treu ne tro hnei angetre Isaraela matre troa bëeke hmaca a tro Ierusalema?
  • Ije macatre ne pane pë atr la nöj?

Itre xaa hnying

  • E jë la Isaia 44:28 me 45:1-4.

    Nemene la aqane amamane hnyawa hnei Iehova, laka tro kö a eatr lo hnei Nyidrëti hna perofetan göi Koreso? (Is. 55:10, 11; Rom. 4:17)

    Nemene la hna amamane hnene la hna perofetan hnei Isaia göi Koreso ngöne la atreine i Iehova troa canga qaja la itre ewekë ka troa traqa elany? (Is. 42:9; 45:21; 46:10, 11; 2 Pet. 1:20)

  • E jë la Ezera 1:1-11.

    Maine easë a ajan troa xötrethenge la tulu ne la itre atr ka lapa pë hë e Babulona, nemene la aqane tro së enehila a ‘xomexatuan’ la itre trejine ka ijije troa cainöje ngöne la drai ka pexej? (Ezera 1:4, 6; Rom. 12:13; Kol. 4:12)