Ame koi epun tre . . .

  • ej e kuhu hni?

  • aqane ithanata?

  • mus e koho hnengödrai?

 HANAWANGE LA HNA QAJA HNENE LA TUSI HMITRÖTR

“Tro Akötesieti ne hnengödrai a axulune la kete baselaia ka tha tro kö a apaten’ epine palua.”—Daniela 2:44. “Hna hamë shë la nekö trahmany, nge troa eje hune la lue hnaiape i nyidë la mus.” —Isaia 9:6.

HANE HI LA ALIENE KOWE LA MELE SË

  • Tro sa isa öhnyi loi qa ngöne lai musi ka meköt.—Isaia 48:17, 18.

  • Easenyi hë troa pexeje hmaca la atr, me mele madrin.—Hna Amamane 21:3, 4.

 TRO KÖ SA MEJIUNE KOWE LA HNA QAJA HNENE LA TUSI HMITRÖTR?

Eje hi, hane hi la lue kepin:

  • Hnei Iesu hna qaja la hna troa kuca hnene la Baselaia i Akötresie. Hnei Iesu hna inine la itretre drei nyidrë troa sipone ngöne la thith, laka troa traqa la Baselaia i Akötresie, me eatr la aja i Nyidrë e celë fen. (Mataio 6:9, 10) Hnei Iesu hna amamane la aqane troa sa elany la thithi cili.

    Ame e celë fen, hnei Iesu hna ithuane la itre ka mecijin, me aloine la itre meci ne la itre ka wezipo, me amelene hmaca la itre ka mec! (Mataio 15:29-38; Ioane 11:38-44) Iesu la ka troa cilëne la Baselaia i Akötresie, nge hnei nyidrë hna amamane ekö la itre hna troa kuca hnene la Baselaia kowe la itre jini ne ej.—Hna Amamane 11:15.

  • Mama hi enehila laka, easenyi hë troa traqa la Baselaia i Akötresie. Hnei Iesu hna qaja ka hape, qëmekene troa tingetinge la fen hnene la Baselaia, troa pane traqa kowe la fen la itre mec, me itre isi, me mecijin, me sa.—Mataio 24:3, 7.

    Celë hi lai hne së hna öhne enehila. Nge xeci hnyawa e kuhu hni së laka, tro la Baselaia i Akötresie a apatrene la itre jole cili.

 TUNE KAA LA MEKUNA I EPUN,

Nemene la pengöne la mel elany la kola troa mus la Baselaia i Akötresie?

Hna sa la hnyinge celë hnene la Tusi Hmitrötr ngöne SALAMO 37:29 me ISAIA 65:21-23.