Tro jë kowe la alien

Tro jë kowe la itre mekune ka co

Tro jë kowe la itre alien

Itretre Anyipici Iehova

Drehu

Musi Hë La Baselaia i Akötresie!

Götrane Mi: Ketre trejine föe e Alabama, Etazini, a ahone ngöne ikaho la cainöje i J. Rutherford ngöne lo itre macatre 1930; Götrane Maca: Suisse

 XÖTRE MEKENE 1

Nyipici Göi Baselaia—Kola Thawa La Xeni Ne La u

Nyipici Göi Baselaia—Kola Thawa La Xeni Ne La u

 EPUNI a öhne la kola goe catre hnene la ka inine la Tusi Hmitrötr la angeic a trotrohnine la aliene la xötre hnei epuni hna ce e. Angeic a pane cil, me qaja ka hape, “Eö lai a nyipici! Tusi Hmitrötr a qaja ka hape, tro sa mele epine palua ngöne la Paradraiso, ngo e celë fen?” Kola dredrehnyima hnene la sine tronge i epun, me hape, “Ngo ame eö ke, nemene la hnei eö hna trotrohnine e cahu hna qaja hnei Tusi Hmitrötr?” Kola sesëkötre hnene la hnainin, me nangenange la he, me hape, “Thatreine fe kö ni mekune laka, tha ase fe kö hane ini ni ekö la ewekë cili!” Mekune hmaca jë hi epuni lo itre wiike ka ase hë, lo angeice a sesëkötre tune lai lo angeice a atre ka hape, ame la ëje i Akötresie, tre Iehova.

Ala nyimu the së la itre ka hane melëne hë la itre ewekë cili. Itre ewekë lai ka amekunë së laka, hetrenyi së la ketre ahnahna ka sisitria, ene la troa atrehmekune la nyipici! Ngo, hna tune kaa matre traqa pi koi epuni la ahnahna cili? Ame ngöne la xötre mekene celë, tro sa ce ithanatane la hnyinge cili. Kola mama jëne la elualaine la itre ini hna kapa trongëne hnene la nöje i Akötresie, laka, cile hë la Baselaia i Akötresie. Ame ngöne la ca hadredre lao macatre, hnene la Joxu ne ej, Iesu Keriso, hna hmekëne matre tro la nöje i Akötresie a kapa pala hi la itre ini göne la nyipici.

AME NGÖNE LA GÖTRANE CE

MEKENE 3

Iehova a Amamane La Aja i Nyidrë

Hapeu, mekuna i Iehova kö ngöne la qaan troa acile la Baselaia Ne La Mesia? Nemene la aqane amamane Iesu la pengöne la Baselaia?

MEKENE 4

Iehova a Atrune La Ëje i Nyidrë

Nemene hë la itre hna kuca hnene la Baselaia göne la ëje i Akötresie? Nemene la aqane ahmitrötrëne epuni la ëje i Iehova?

MEKENE 5

Joxu a Amamane La Nyipici Göne La Baselaia

Loi tro së trotrohnine hnyawa la pengöne la Baselaia i Akötresie, la itretre ce musi me itre jinin, memine la enyipiewekëne troa nyipici.