Pare gaa a poɔ yɛlɛ

Dɔgɛɛ Daŋ Na Baare La?

Dɔgɛɛ Daŋ Na Baare La?

Fo na yeli ka . . .

  • mm?

  • ai?

  • aminekaŋ?

 LƐ A BAABOLE NAŊ YELI

‘Naangmini na bilihiye ningtong jaa ba ningbieng bahi, kuung, nimiha, kuori ane ji-baahi ming daaŋ kung la bibe.’—Yesu Kristo Yeliyuoruu 21:3, 4, Naangmini Yelihung Pegi’yiruu.

TƆNƆ FO NAŊ NA TOƆ̃ NYƐ

A Baabole vɛŋ la ka te baŋ ka Naaŋmen naane vɛŋ ka te dire dɔgɛɛ.​—Jeemes 1:13.

Te na nyɛ la emmaroŋ saŋa na te naŋ baŋ ka, Naaŋmen ba boɔra ka te dire dɔgɛɛ.​—Zekaraiya 2:8.

Te taa la teɛretɔ ka dɔgɛɛ zaa daŋ na baareŋ.​—Yieme 37:9-11.

 LƐ NA A BAABOLE NAŊ YELI E LA YELMEŊA?

Yelmeŋa la, yɛlɛ ayi ŋa zuiŋ:

  • Naaŋmen kyiire dɔgɛɛ ane dankyɛgre. Saŋa na ba naŋ da maŋ dɔgra Jehoova Naaŋmen noba, ba yɛlɛ da maŋ fɛre oŋ. A Baabole yeli ka, o poɔ da maŋ sãã la “banani ang da mang dogihiba” ne yɛlɛ.​—Saringmaariba 2:18, Naangmini Yelihung Pegi’yiruu.

    Naaŋmen taa la posaane a kyaare bana naŋ dɔgra nobaA Baabole yeli ka Naaŋmen kyiire “nuuhi ang kire nie aŋ i soli jiing.”—Yeng Yelibie 6:16, 17.

  • Te kaŋ zaa yɛlɛ fɛre la Naaŋmen. Nensaala yoŋ naane “baŋ u minga tuora bii u pu-saanii,” Jehoova meŋ baŋyɛŋ!​2 Tungkori 6:29, 30.

    A koŋ kɔɔre, ka Naaŋmen Naaloŋ wa wa, nensaalaa zaa dɔgɛɛ na baareŋ. (Maatiu 6:9, 10) Kyɛ pampana gba, Naaŋmen sonna la noba naŋ yi ba sukyiri zaa poɔ a boɔra o zie.​—A Bi-tunihi Tuma 17:27; 2 Korinti 1:3, 4.

 LEƐ TEƐRE NYƐ

Bonzuiŋ ka Naaŋmen tere sori ka te dire dɔgɛɛ?

A Baabole iri la a noɔre aŋ be ROM 5:12 ane 2 PIITER 3:9.