Skip to content

Kondisaun atu uza

Kondisaun atu uza

Benvindu!

Sítiu neʼe nia objetivu mak atu ajuda Ita-Boot hatene liután kona-ba Maromak, Bíblia, no Testemuña ba Jeová. Bele lee informasaun, haree vídeo oioin, no download informasaun neʼebé Ita-Boot gosta liu. Ami-nia hakarak mak atu ema hotu hetan benefísiu husi sítiu neʼe. Maski nuneʼe, halo favór, labele kopia informasaun husi sítiu neʼe ba sítiu ka aplikasaun seluk. Ita-Boot bele fahe ho ema seluk buat neʼebé Ita hetan hodi hatudu ba sira oinsá sira bele asesu sítiu neʼe tuir kondisaun atu uza iha kraik.

 Copyright

© 2021 Watch Tower Bible and Tract Society of Pennsylvania. Direitu hotu rezervadu.

Sítiu neʼe organizasaun Watchtower Bible and Tract Society of New York, Inc. (“Watchtower”) mak publika no mantein. Se la iha informasaun ruma kona-ba copyright seluk, liafuan no informasaun hotu iha sítiu neʼe mak propriedade intelektuál husi Watch Tower Bible and Tract Society of Pennsylvania (“Watch Tower”).

 Marka rejistu sira

Adobe no ninia logo, Acrobat no ninia logo mak marka rejistu ba Adobe Systems Incorporated. iTunes no iPod mak marka rejistu ba Apple Inc. Microsoft no ninia logo, no naran seluk neʼebé Microsoft uza ba ninia software no produtu seluk, inklui mós Microsoft Office no Microsoft Office 365, mak marka rejistu ba Microsoft Inc. Iha mós marka no marka rejistu seluk, maibé sira hotu husi sira ida-idak nia kompañia. Android mak marka rejistu ba Google LLC. Google mak halo Android robot hodi halo tuir Creative Commons 3.0 Attribution License (https://creativecommons.org/licenses/by/3.0/us/).

 Kondisaun no lisensa atu uza website neʼe

Ema hotu neʼebé uza website neʼe tenke halo tuir kondisaun neʼebé hakerek tuirmai neʼe. Hodi uza sítiu neʼe, Ita-Boot fó sai katak konkorda no simu kondisaun sira-neʼe no kondisaun seluk kona-ba uza sítiu neʼe (hamutuk mak “kondisaun atu uza”) neʼebé fó sai iha sítiu neʼe. Se Ita-Boot la konkorda ho kondisaun ruma ka parte ruma husi kondisaun sira-neʼe, labele uza sítiu neʼe.

Oinsá mak bele uza sítiu neʼe? Tuir kondisaun sira tuirmai neʼe, Ita-Boot bele:

  • Haree, download, no print dezeñu, livru eletróniku, múzika, foto, testu, ka vídeo sira husi sítiu neʼe, neʼebé copyright husi Watch Tower, atu uza ba Ita-nia an rasik, maibé labele faʼan.

  • Fahe links atu bele asesu ka download livru, vídeo, ka programa áudio husi sítiu neʼe.

Ita-Boot labele:

  • Tau dezeñu, livru eletróniku, marka rejistu, múzika, foto, vídeo, ka artigu ruma iha sítiu neʼe hodi habelar iha internét (inklui tau konteúdu iha sítiu seluk, média sosiál, ka sítiu atu fahe file ka vídeo).

  • Fahe dezeñu, livru eletróniku, marka rejistu, múzika, foto, testu, ka vídeo iha sítiu neʼe ka uza nuʼudar parte iha aplikasaun ka software ruma (inklui tau buat hirak-neʼe iha server ruma atu uza iha aplikasaun ka software ruma).

  • Foti dezeñu, livru eletróniku, marka rejistu, múzika, foto, testu, ka vídeo iha sítiu neʼe hodi halo fali buat neʼebé hanesan, kopia fali, ka temi fali informasaun ruma ho objetivu atu halaʼo atividade negósiu nian ka faʼan (maski laʼós atu manán osan).

  • Halo aplikasaun ka software, tool, ka téknika ruma ho objetivu espesífiku atu halibur, kopia, download, hasai, foti, ka scrape dadus, HTML, foto, ka testu ruma husi sítiu neʼe. (Ida-neʼe la bandu atu download hodi fahe ho gratis aplikasaun sira neʼebé la uza atu halaʼo atividade negósiu nian hanesan EPUB, PDF, MP3, no MP4 husi sítiu neʼe.)

  • Uza sala sítiu neʼe ka ninia servisu oioin, hanesan interfere ho sítiu neʼe nia funsionamentu ka asesu ba sítiu neʼe ka ninia servisu oioin hodi uza métodu ka dalan ruma neʼebé la tuir kondisaun sira-neʼe.

  • Uza sítiu neʼe iha dalan neʼebé bele estraga ka hanetik ema seluk atu asesu sítiu neʼe; no labele uza iha dalan neʼebé la tuir lei, ilegál, bosok, ka halo aat, no mós ho objetivu atu halaʼo atividade neʼebé la tuir lei, ilegál, bosok, ka halo aat.

  • Uza sítiu neʼe ka dezeñu ruma, livru eletróniku, marka rejistu, múzika, foto, testu, ka vídeo ho objetivu neʼebé iha relasaun ho marketing ka promosaun.

  • Sítiu neʼe uza Google Maps, neʼe mak aplikasaun husi ema seluk neʼebé ami la kontrola. Hodi uza Google Maps iha sítiu neʼe Ita presiza halo tuir Google Maps/Google Earth nia kondisaun atu uza sira-nia website. Ami la simu notifikasaun bainhira sira-nia Kondisaun atu uza sira-nia sítiu hafoun, tan neʼe favór lee fali sira-nia Kondisaun atu uza sira-nia sítiu antes uza Google Maps. Keta uza Google Maps se Ita-Boot la konkorda ho sira-nia Kondisaun atu uza sítiu. Google Maps karik sei rai informasaun pesoál no neʼe sei la haruka fali mai sítiu neʼe.

 Seksaun médiku nian

Konteúdu iha seksaun médiku nian ba sítiu neʼe (“Seksaun médiku nian”) mak atu hatoʼo informasaun deʼit. Informasaun iha seksaun neʼe laʼós atu fó konsellu médiku ka substitui konsulta ho doutór, ka substitui diagnóstiku ka tratamentu husi profisionál ruma iha área médiku nian. Seksaun médiku nian neʼe la fó rekomendasaun ka defende ezame, doutór, prosedimentu, produtu, opiniaun ka informasaun ruma neʼebé temi iha seksaun neʼe.

Bainhira iha dúvida kona-ba tratamentu ruma ka problema saúde, importante atu sempre bá konsulta ho doutór ka profisionál seluk iha área médiku nian.

Sítiu neʼe esforsa an atu fó sai informasaun neʼebé loos no atualizadu iha Seksaun médiku nian. Maski nuneʼe, informasaun hotu neʼebé Ita-Boot asesu iha Seksaun médiku nian bele hetan “TUIR BUAT NEʼEBÉ IHA” la ho garantia, espresa ka implísita. Sítiu neʼe nega garantia hotu, espresa ka implísita, neʼebé relasiona ho konteúdu iha Seksaun médiku nian, inklui mós la fó garantia implísita katak sei hetan susesu iha komérsiu ka iha buat espesífiku ruma. Sítiu neʼe la fó garantia katak informasaun neʼebé bele asesu iha Seksaun médiku nian bele tau fiar, loos, vale, bele uza, ka kompletu. Sítiu neʼe la asume responsabilidade ba sala ka omisaun ruma husi konteúdu iha Seksaun médiku nian. Konfiansa ba informasaun naran deʼit neʼebé bele hetan iha Seksaun médiku nian, neʼe kestaun kona-ba desizaun ho risku pesoál. Iha sirkunstánsia hotu, sítiu neʼe sei la responsabiliza ba reklamasaun ka estragu ruma (inklui mós estragu asidentál no konsekuensiál, estragu pesoál ka mate tanba neglijénsia, danu finanseiru, ka estragu neʼebé mosu tanba lakon dadus ka tanba negósiu hetan interrupsaun) neʼebé mosu tanba uza ka labele uza Seksaun médiku nian, maski reklamasaun ka estragu bazeia ba garantia, kontratu, delitu ka teoria legál ruma, maski sítiu neʼe hetan avizu ka la hetan kona-ba posibilidade ba reklamasaun ka estragu ruma.

 Eskluzaun husi garantia no limite kona-ba responsabilidade

Sítiu neʼe ho ninia informasaun hotu, konteúdu, materiál, no servisu hotu neʼebé disponivel husi Watchtower liuhusi sítiu neʼe Ita-Boot bele hetan “tuir buat neʼebé iha”. Watchtower la halo reprezentasaun ruma ka fó garantia ruma, espresa ka implísita.

Watchtower la fó garantia katak sítiu neʼe livre husi virus ruma ka komponente ruma neʼebé bele halo estragu. Watchtower sei la responsabiliza ba estragu ka hahalok aat ruma neʼebé mosu tanba uza servisu ruma, ka husi informasaun ruma, konteúdu, materiál, no servisu seluk neʼebé disponivel liuhusi sítiu neʼe, inklui mós, maibé la limita ba estragu diretu, indiretu, asidentál no konsekuensiál (inklui mós danu finanseiru).

 Violasaun ba kondisaun atu uza sítiu neʼe

La ho prejuizu ruma ba Watchtower nia diretu seluk tuir kondisaun atu uza sítiu neʼe, se Ita-Boot viola kondisaun sira-neʼe, Watchtower iha direitu rezervadu atu foti medida naran deʼit neʼebé presiza liuhusi prosesu legál, neʼe inklui suspende ka bandu asesu ba sítiu neʼe, hodi blokeia komputadór neʼebé uza Ita-nia númeru IP, hodi kontakta Ita-nia internét service provider atu husu sira blokeia ka hanetik Ita-nia asesu ba sítiu neʼe ka foti medida jurídika ka lori kazu legál hasoru Ita.

 Mudansa ba kondisaun atu uza sítiu

Watchtower halo mudansa beibeik ba kondisaun sira-neʼe. Kondisaun foun sei aplika husi loron neʼebé fó sai ona iha sítiu neʼe. Tan neʼe, favór ida, lee beibeik pájina neʼe atu bele hatene kondisaun neʼebé foun liu.

 Lei no jurizdisaun

Kondisaun atu uza sítiu neʼe, neʼebé temi iha pájina neʼe, sei administra no interpreta tuir lei husi estadu Novaiorke, EUA, maski iha konflitu ho kláuzula ruma. Asaun jurídika ruma kona-ba kondisaun sira-neʼe sei lori ba tribunál estadu nian ka tribunál federál nian iha área neʼebé iha kbiit ka jurizdisaun iha estadu Novaiorke, EUA.

 Kláuzula sira

Maski tribunál ida, neʼebé iha kbiit ka jurizdisaun, determina katak kláuzula ida ka parte ruma husi kondisaun neʼe la vale, labele vigora, ilegál ka labele aplika, maibé kláuzula sira seluk sei vale nafatin hodi kontinua vigora. Maski Watchtower la obriga kláuzula ruma husi kondisaun neʼe atu vigora, neʼe la dehan katak ema neʼebé uza sítiu neʼe izentu atu halo tuir no la dehan katak Watchtower lakon ona direitu atu halo kláuzula neʼe vale nafatin.

 Akordu tomak

Kondisaun sira atu uza sítiu neʼe, neʼebé foin temi iha leten, tuir akordu tomak entre Ita-Boot ho Watchtower kona-ba oinsá bele uza sítiu neʼe. Akordu ruma neʼebé mak uluk fó sai ona kona-ba uza sítiu neʼe, neʼe la vale ona ho kondisaun foun neʼe.