Skip to content

Skip to secondary menu

Testemuña ba Jeová

Fataluku

Nop-tatun afi lauhana laʼan tevaʼane?

Nop-tatun afi lauhana laʼan tevaʼane?

Afa eceremu mundu isituasaun . . .

  • iwari-warini?

  • laʼan tawakapare?

  • Ana laʼan talirau?

 INAIT BIBLIA EM AFI ACITAʼA?

“Ocava . . . on kois inawaia tarupaha naunuku fere, umuno hainupe, maʼar akam hainarure, i hainicakapare i hainicakaile, ina-inait ratan afa tahane hainupe.”—Penyingkapan 21:3, 4, Tradusaun Mundu Foun.

AFA ECEREMU TEVAʼANE?

Siriwesi iraun lafanfai iwiit fait afa icarau-rau.—Yesaya 65:21-23.

Pootina, tahanana rehun hainaunupe.—Yesaya 25:8; 33:24.

Afa afi familia ho afi lanura apur warilau-lauhen icaurau-rau.—Mazmur 37:11, 29.

 INAIT BIBLIA TAʼA AFA TAPI FIARE ANA UPE?

Tapi, irazaun ece:

  • Ocava iforsa anet uhulen inait Tawa hai promete iwi fai. Biblia naen taʼa har Ocava Jeova it “forsa torunaunukutali”, iforsa hula pali. (Penyingkapan 15:3) Iwi hinta inait hai taʼa Tawa on kois naunukufain mundu e masupai. Biblia taʼa har: “Laʼan Ocava nanate nacun un akam heʼe, Tawa uhulen nacun naunukufai.”—Matius 19:26.

  • Ocava tapi neluhen inait Tawa hai promete iwifai. Exemplu uni, Ocava Jeova haitapi iheren maʼarlauhanat hainumunoro ere alim muralauhepai.—Ayub 14:14, 15.

Biblia o taʼa Ocava imoco Jesus ratan maʼarlauhanat pootina erem humerenpai.Tevaʼane hinta tawa ta iwi fai? Tawa iicatutunit fai. (Markus 1:40, 41) Tawa hin pal Ocava vaʼane eluhen maʼarit tahanana fai tulune.—Yohanes 14:9.

Iwihinta afita fiare Ocava Jeova ho Jesus eluhet afilauhana nop-tatun afa laʼan icarau-rau.—Mazmur 72:12-14; 145:16; 2 Petrus 3:9.

 AFA ECEREMU TINI

Tevaʼaneta Ocava ta situasaun ikaparanat mundu naem masupai?

Natanana e iliarana afa Biblia naen elere MATIUS 6:9, 10 no DANIEL 2:44.