Skip to content

Skip to secondary menu

Testemuña ba Jeová

Fataluku

Inait Ocava i Reinu?

Inait Ocava i Reinu?

Afa eceremu tevaʼane, . . .

  • maʼarlauhana?

  • nacun unu reprezenta?

  • ana governu unit nel nae?

 INAIT BIBLIA EM AFI ACITAʼA?

“Ocava neluhini on governu unum namai, governu en akam haimolu.”—Daniel 2:44, Tradusaun Mundu Foun.

“Moconami un haim afiina tu ukunana Tawa on hin cicikaaamore.”—Yesaya 9:6.

AFA SENTI TEVAʼANE?

  •  Governu imaisina on nacun iraunim afiina.—Yesaya 48:17, 18.

  • Akam siaratat mundu imiri nae, maʼarlauhana naunuku icarau-rau i huhumere.—Penyingkapan 21:3, 4.

 INAIT BIBLIA TAʼA AFA TAPI FIARE ANA UPE?

Tapi, irazaun ece:

  • Jesus haim afimesene inait kois on Ocava ikunana laʼan fai. Jesus hin dixipulu ere fanawet orasaunin. Ocava ikunana ucutet nawar Ocava iheluhana mundu naen realiza. (Matius 6:9, 10) Inai-inait Jesus mundu micanen fai em afi mesene har Ocava on kois orasauni liare.

    Tarut Jesus mundu micane, Jesus maʼarlauhanat muhare fane, pootina erem humerenpai i maʼarlauhanat hainumunoro alim urahlauhepai! (Matius 15:29-38; Yohanes 11:38-44) Non Ocava Jesus nacuet ukunanafai Jesus on inait Ocava ikunanafaim em maʼarlauhana ere napai.—Penyingkapan 11:15.

  • Mundu isituasaun em afimesene, akam siarata Ocava iukunana hai mau. Jesus coman afihainacitaʼa har tarut Ocava iukunana akaono dame memaun mundu micapemau, hal lafanen mua micana, muhare i nauwara haulmuakohe.—Matius 24:3, 7.

    Karuenen afa ninam lafan acit tahanana tarupaha en hainaunuku mesene. Afa fiare akam siarata Ocava iukunana on problema tarupaha naunukum upepai.

 AFA ECEREMU TINI

Ocava iluku-lukun uhulen afilauhanam ranupai ana upe?

Natanana e iliarana afa Biblia naen elere MAZMUR 37:29 no YESAYA 65:21-23.