Skip to content

Skip to secondary menu

Skip to table of contents

Testemuña ba Jeová

Fataluku

Luku-lukun rauni it Ocava naen mau

 LISAUN 2

Ocava i maisina it umani?

Ocava i maisina it umani?

1. Tevaʼane hin afita uhulen Ocava loluʼe it rau i?

Ocava i maisina it ina-inai uku fai. Tava hulapali-arapali. (Salmo [Mazmur] 90:2) Ocava it evanjellu ali luku-lukun i maisinat afa Bíblia mucu elerem afi ina. (1 Timóteo 1:11) Tava it Ocava i maisinan lauhanam afi ina, hin afita uhulen tava halam je loluʼe.Apokalipse 4:11 lere.

2. Ocava a tevaʼa-vaʼane?

Ocava ia hutu halani ivihinta afa maʼarlauhana afakam uhulen aci. Enaen taʼa ia, tava it maʼarlauhana ho animál it muamica lauhe uku tali lafai. (João 1:18; 4:24) Aitana afakam Ocava aci, mais afa ina-inait tava fai ivi neret afita uhulen tavam rau-raun hefe. Naceana, etemana ho cipi-cipit a-anupahe ia, Ocava i icatutun ho i navaranam afi mesene. Ina-inait nelu nae ho muamicane, ia Ocava i forsa nit anem afi mesene.Roma 1:20 lere.

Afiro afa uhulen Bíblia mucu nacun lafanen laʼan Ocava nanate istuda. Naceana, Bíblia inait Ocava eluhe ho keluhem afi acitaʼa, tava hin povu melaʼan tevaʼan coto, nauvara tava muahara-muahara ina fai-fain ere mesenem afi acitaʼa.Salmo (Mazmur) 103:7-10 lere.

3. Ocava ine ane ana upe?

Jesus evaʼancaʼa: “Ini Pal it nelu nae, enem varesen pai.” (Mateus 6:9) Aitana Ocava i titulu ali i net em aceru lafane, nanip ine naun ukani hala. Epul itelira ereo vamin em hin luku-lukuni nerecaʼa. Fataluku nerecaʼa nara ne eniʼit “Jeová” i. Mais luku-lukun itelira ereo em hin epuli nerecaʼa nara iviʼit “Yahweh” i. Bíblia laʼan Ocava nanate taʼa, em evaʼancaʼa: “Enet, Jeová ia enau halan muamicanen even lafai.”Salmo (Mazmur) 83:18 lere.

Bíblia i tradusaun lafanen Ocava ine haimura ali hai helupain inet Uruvacu ali Ocava haim ane. Mais Bíblia itara-taran naen maʼu mucune ia Ocava ine laʼan lar 7.000 itanen mucu kere-kere.  Tarut Jesus mua micanen fanavana fai o Ocava inem toru acitaʼa.João 17:26 lere.

4. Ocava Jeová afi eceremu ana upe?

Nauvara pal evaʼane, Ocava o eluhen afi icakaparanam saipai

Karu emucune, afa maʼarlauhana afa susarana lafan aci, enit har Ocava akam afi hai neceremu ana upe? Maʼarlauhana lafanen taʼa har Ocava it susarana memaʼu em afi teʼe, mais eceremun evaʼane akam i maisina.Tiago 1:13 lere.

Tarut Ocava laʼan maʼarlauhana fai, tava o heluhanat nehenta nacun faim tavar ina. Afiro afa eluhen Ocava acanate hin afi ica ta rau-rau, maise ana upe? (Josué [Yosua] 24:15) Susarana lafanen mesene ia, maʼarlauhana ikaparana i heluhanat laʼan toru hala kaparpait fai hintauʼa. Tarut Ocava inait akam maise toto ia fait tava icakapare.Gênesis (Kejadian) 6:5, 6 lere.

Ocava Jeová afi eceremu. Tava eluhet afi lauhana icarau-rau. Akam hairatat Ocava maʼarlauhana i susarana ho maʼarlauhana eret toru hala nuapaim saipai. Tevaʼane hinta Ocava ta susarana ere etekauret laʼan tempu kavasala emucu mesene, ia Ocava ihini maisina anen Bíblia mucu kere-kere. Afa kois on lisaun 8 naen afita em rau-raun istuda.2 Pedro 2:9; 3:7, 13 lere.

5. Tevaʼan laʼat afita nim Ocava vari karune?

Ocava Jeová afi acitaʼat afi har orasauni mucu tava vari karunen apur luku-luku. Tava afa ukan-ukani eceremu. (Salmo [Mazmur] 65:2; 145:18) Tava tapi neluhen afi kaili perecua. Ica hici afa kail fai, mais tava afi hulanat afa fain tavam icarau-rau pai fait nemana vale. Ivihin, aitana afa maʼarlauhana icahici afa kail fai, nanip afa uhulen Ocava vari karune.Salmo (Mazmur)103:12-14; Tiago 4:8 lere.

Ocava Jeová it lauhana memaʼu em afi ina, hin afita eluhen tava naum maʼarlauhana uku tali neceremu. (Marcos 12:30) Tarut afa hin icatutunim tava mesene, tavam rau-raun nere navare nauvara em i heluhana nerepai, afa tava vari karune.1 Timóteo 2:4; 1 João 5:3 lere.

TAWA ISTUDA

LUKU-LUKUN RAUN IT OCAVA NAEN MA’U

Ocava ine ane ana upe?

Ocava o iva’ane, I títulu a-anupahe: Pali, Kriadór nauvara Uruvacu. Ocava i luku-lukun ine a lar 7.000.