Skip to content

Skip to secondary menu

Skip to table of contents

Testemuña ba Jeová

Fataluku

Luku-lukun rauni it Ocava naen mau

 LISAUN 5

Inait Ocava i heluhanat e maʼu mua micapemaʼu?

Inait Ocava i heluhanat e maʼu mua micapemaʼu?

1. Ina hinta Ocava muacauvele e fai?

Ocava Jeová muacauvele fain em maʼarlauhana inat har anen mica lauhe. Ocava anju ere hai fait nel hiane, ivihinta tava akam maʼarlauhana ihemerana Adão ho Eva fait, ali laʼa nel hiane. (Jó [Ayub] 38:4, 7) Ocava alivana tahin unit ine jardín Eden ivi haim Adão inat har ivi nae. (Gênesis [Kejadian] 2:15-17) Ocava Jeová tempu iraunim Adão ho icalafur it aka ono malusukoro inat har muamica lauhe tanau laʼa nohorata mara.Salmo (Mazmur) 37:29; 115:16 lere.

Ocava mua mica alivana ukani hala nacuen em jardín Eden pai. Ocava em jeu ho eleh ihemerana acitaʼat, i mocor har touren muacauvele e polu, nauvara tavar har tei-teil laʼa-laʼan muacauvele e melaʼan em jardín tahin unu fai. (Gênesis 1:28) Muacauvele en akam molu po, maʼarlauhana i halivana varini ta naulaʼa nohorata mara.Salmo (Mazmur) 104:5 lere.

2. Inahinta muacauvele e ula aka ono jardín tahin uni?

Adão ho Eva akam Ocava Jeová hini hainere pai hinta, tava ta tavar haim jardín Eden valin neure. Adão ho Eva sala fai hinta jardín tahin ata molu, nauvara aitana tavar eluhen inait hai molu ali helupai, mais tavar akam hai uhulpai. Laʼan tempu ivinaʼe maʼarlauhana ikaparana muacauvele e haipolu.Gênesis (Kejadian) 3:23, 24 lere.

Eniʼit Ocava Jeová akam hin heluhana haim emerpelaʼa ana upe? Ocava i forsa nit ina-inai naunuku tali lafai, ivihinta tavata jen hin heluhana varim emerpelaʼa. (Isaías [Yesaya] 45:18) Ocava kois on situasaun e helupait maʼarlauhana ali laʼan lauhen ratan tava i heluhana rata ali vaʼane.Salmo (Mazmur) 37:11, 34 lere.

3. Tevaʼan laʼat muacauvele enta uhulen ali laʼan jardín Eden vaʼane?

Tarut Jesus laʼan Liurai unin mundu e ukune nae, muacauvele ta ali fulehen laʼan ratan jardin Eden ali vaʼane. Hal unit ine a  Armagedon nae, Jesus, Ocava i anju erem horupen tavarit em Ocava ihini valin paim saipai. Inereni, Jesus kois Satanás im iciʼilen nau laʼan ajaera 1000 mucune. Jesus kois Ocava i povu ere nanavaranat kois laʼa hal ivi nacone. Tavar kois laʼan muacauvele tahin unit nauvara jardin Eden vaʼane ali na lauhen ta nau laʼa nohorata mara.Apokalipse 20:1-3; 21:3, 4 lere.

4. Tarutet tahanana rehunen ta sai?

Tarutet Ocava ta inait ikaparanat muacauvele micane molu pai? Tarut Jesus ono mua micane, tava “sinali” ali catan eret mesenet har, mundu en tutu laʼan asaini naem afi acitaʼa. Karu tempu enae situasaun mundu nae hai vari kapare, enem afi nacaʼat har karue mucune afir afa tempu unit “mundu en tutu laʼan asaini” na lauhoro.Mateus 24:3, 7-14, 21, 22 lere.

Tarut Liurai Jesus muacauvele e ukunen laʼan ajaera 1.000, tava tahanana ere uku molupai. (Isaías [Yesaya] 9:6, 7; 11:9) Jesus maʼar-tei ali Amlulik Lafai unin kois laʼan tavarit Jeová eceremun acanatere i kaili uku hiare. Em Jesus neret Ocava ta kois poʼotina ere molupai, maʼarlauhana akam hai laite hai katuasi nauvara umun hainupe.Isaías (Yesaya) 25:8; 33:24 lere.

5. Uman afur sianit kois laʼan muacauvele imiri mica lauhe?

Reuniaun-Alivana nae, afa uhulen maʼarlauhana eret Ocava eceremu nauvara tapi neluhen fait Ocava icarau-rau fanuhene

Maʼarlauhana eret em Ocava ihini nerepai ere it non laʼan muacauvele imiri mica lauhe. (1 João 2:17) Jesus hin isikola mocor haret har laʼan maʼarlauhana hiar raun ere anahe, nauvara inait Ocava eluhet tavar uhulen fait Ocava tavar semum fanave. Karue mucune, Jeová maʼarlauhana rehun-rahim horupe-pemaut, kois laʼan mundu imirit jardín tahin nae vaʼane ali mica lauhe tanau laʼa nohorata mara. (Sofonias [Zefanya] 2:3) Testemuña ba Jeová ere i Reuniaun-Alivana nae, maʼarlauhana lafanen jen hiar helupai istuda. Nal-pal hin mocor erem horupen Ocava loluʼe, tevaʼan laʼat luku-lukun iraun ata tavar toluneret hin lauhana fait raun fanu vari melaʼa.Miquéias (Mikha) 4:1-4 lere.