Skip to content

Skip to secondary menu

Skip to table of contents

Testemuña ba Jeová

Fataluku

Luku-lukun rauni it Ocava naen mau

 ISAUN 14

Tevaʼane hin Ocava ta organizasaun ukani hala uza?

Tevaʼane hin Ocava ta organizasaun ukani hala uza?

1. Tevaʼane hin Ocava ta Izrael i maʼarlauhana ratane nacuet laʼan i povu?

Ocava Abraão ical afur nacuet laʼan nasaun ukani uni iviʼit tava em aceru it “Izraél”. Tava hin lei ere nauvara sirivesi unit nau jenet, laʼan i luku-lukun ho adorasaun i maisina nerecotom nasaun e ina. (Salmo [Mazmur] 147:19, 20) Ivihinta, halam nasaun Izrael neret maʼarlauhanat nasaun itelira taʼa-taʼane ta uhulen bensaun aci.Apóstolu 3:25 lere.

Ocava Izrael mocor ere hala nacuet i testemuña. Istória Izrael ihini en emesenet har tevaʼan laʼat maʼarlauhana ta, uhulen nacun iraun it laʼan Ocava i lei ere nerepai aci. (Deuteronômio [Ulangan] 4:6) Maʼarlauhana itelira eret ratan tempu ivinaen, Ocava i maisina ho nim karune nanate aprende ia halam Izrael mocor ere nere ta navare.Isaías (Yesaya) 43:10, 12 lere.

2. Tevaʼane hinta kristaun i maisina ere nitam horuceru?

Ihuramaun nae, Israel ia nasaun unit akam Ocava Jeová hini hai nerepai, hin tava ta nasaun e alehe melaʼan em kongregasaun kristaun pai. (Mateus 21:43; 23:37, 38) Karue mucune, kristaun i maisina ia Jeová i testemuña ere haini, akam Israel i mocori haini.Apóstolu 15:14, 17 lere.

Jesus hin isikola mocor erem horucerut laʼan Ocava i luku-lukun melaʼan, toru acitaʼa nauvara eme laʼan em nasauni aufune fanave. (Mateus 10:7, 11; 24:14; 28:19, 20) Mundu en tutu laʼan asaini nae, hinta akam hai ratat sirivesit Ocava i luku-lukun melaʼan em toru acitaʼa o haisai. Ait karue mucune ia, Jeová maʼarlauhana lafanen nasaun aufune haim horupe-pelaʼa pait, tavam iʼa i maisina nere loluʼe. (Apokalipse 7:9, 10) Ocava a kristaun i maisina ere nacuet nita tolune, nauvara nita fiaranam piheten pai. Muacauvele euafune naunuku reuniaun alivana naen informasaun ukanit Bíblia naen maʼu semu.Ebreu 10:24, 25 lere.

 3. Tevaʼan laʼa ta Testemuña ba Jeová e tara-tara?

Testemuña ba Jeová i organizasaun en ajaera 1870 mucunen tara-tara. Maʼarlauhana ica Bíblia istudan luku-lukun i maisinat maʼar hai molupai nere nanahen hai aci. Tavar navare ia Jesus kongregasaun kristaun it ratene nacuet Ocava luku-lukun ni melaʼan em toru acitaʼa, ivihinta tavar o ta Ocava luku-lukunit laʼan i ukunana nanate melaʼan em muacauvele aufune acitaʼa. Laʼan ajaera 1931 naet, tavar ta Testemuña ba Jeová men jen hin tamu.Apóstolu 1:8; 2:1, 4, 11; 5:42 lere.

4. Tevaʼan laʼat Testemuña ba Jeová ere ta nitam horuceru?

Ratan apóstolu i tempu, grupu administradór un anen kongregasaun ere tolune. Tavar em Jesus it kongregasaun i lafai ali icautapun ihini nerepai. (Apóstolu 16:4, 5) Nauvara tara-tarane vaʼane, ait karue mucune o katuas rar icait i esperiénsia lafane it laʼan Grupu Administradór. Grupu eniʼit laʼan Testemuña ba Jeová i sukursál eret tradús fai, livru ere fai, nauvara livru eret Bíblia nanate melaʼan em epul 600 tali puhucoto. Grupu Administradór em evaʼapait navar uhulen, kongregasaun em nita tavane 100.000 talit muacauvele aufune puhucoto, nauvara tavar i fiaranam piheten pai. Kongregasaun ukani-ukani mucune, namirara icait kritériu hai nerepai ia tavar uhulen laʼan katuas uni. Katuas rar ere enia icatutun nim Ocava i cuma mokor ere puhucoto.1 Pedro 5:2, 3 lere.

Testemuña ba Jeová ere nitam horucerun Ocava i luku-lukun rau nim toru acitaʼa nauvara em toru fanave. Ratan apóstolu ere fai vaʼane, tavar Ocava i luku-lukun nim leoʼo ta-tapen em toru acitaʼa. (Apóstolu 20:20) Tavar o eluhen maʼar it eluhen luku-lukun i maisina aprende apur Bíblia istuda. Mais, Testemuña ba Jeová ere akam organizasaun i tourere vaʼane, tavar ia nauvara família unit ipal a tali rau vaʼane. Tavar nauvara nokor-kakar nita eceremu vaʼane. (2 Tesalónika 1:3) Tavar nitam horucerun laʼan toru tolune nauvara fait Ocava icarau-rau. Ivihin tavar ta nauvara família unu vaʼanen tali nicarau-rau ere i.Salmo (Mazmur) 33:12; Apóstolu 20:35 lere.