Skip to content

Skip to secondary menu

Skip to table of contents

Testemuña ba Jeová

Fataluku

Luku-lukun rauni it Ocava naen mau

 LISAUN 7

Ocava i ukunana it inai?

Ocava i ukunana it inai?

1. Ocava i ukunana it inai?

Tevaʼane hinta Jesus Liurai irauni?MARCOS 1:40-42.

Ocava i ukunana, ali i reinu it governu unit nel hiane. Governu eniʼit kois non laʼan governu rarahinat mundu enae uku helupai, nauvara kois laʼan Ocava i heluanat nelu nae memaʼun em muamica pemaʼu. En luku-lukun iraun tapini. Akam siarata, Ocava i ukunana nae, tava inait maʼarlauhana tali eluhere ukum ina ali em itana acane. Ukunana en kois fait maʼarlauhana muamica lauhen hai uan ukani.Daniel 2:44; Mateus 6:9, 10; 24:14 lere.

Ocava Jeová hin Moco-Nami Jesus Kristu nacuet, maun i ukunana naen Liurai unin ukune.Apokalipse11:15 lere.

2. Tevaʼane hin Jesus ta Liurai irauni?

Jesus it Liurai i muahakanin nacun i maisina kesin pale, nauvara i forsa anet maʼarlauhana tolune hintaua. (João 1:14) Jesus nel naen ta maʼu muacauvele aufu ukune. Ivihinta tarut Ocava, Jesus im uralauhpai nae, tava fulehen laʼa nel maran Ocava i tanatenen hici miren ihire. (Ebreu 10:12, 13) Ivinere maʼu, Ocava hin forsanim inat hai ukune.Daniel 7:13, 14 lere.

3. Uman afur sianit kois laʼan Jesus apur ukunana fai?

Maʼarlauhana kois ica laʼan Jesus apur nel hianen ukunana fai. Bíblia em tavar naceru it “santu ere”. (Daniel 7:27) Ihemerana, Ocava kois Jesus i isikola mocor eret akam tava etekaure, nacuen em santu pai ere. Nau maʼu karue hirohe nae, Ocava Jeová tupur-namit akam tava etekaure vari nacuet laʼan santu ere. Maʼarlauhanat hai santu ere, ihuralauhoron kois Jesus ihini vaʼanen uralauhe laʼan hutu ali espiritu uni.João 14:1-3; 1 Korinto 15:42-44 lere.

 Maʼarlauhana tarupaha ateren laʼa nelu mara? Jesus em maʼarlauhanat laʼa nelu mara naceru it “loho imoko”. (Lucas 12:32) Tavar em nita tavane laʼan 144.000. Tavarit kois Jesus apur muacauvele eaufu ukune.Apokalipse 14:1 lere.

4. Tarut Jesus maʼu i ukunana fai inait mesene?

Ajaera 1914 nae Jesus i ukanana hai fai. * Tarut Jesus laʼan Liurai nel ukune nae, tava Satanás ho i anju ikaparana ere mara neuret maʼu mua mica pemaʼu. Eniʼit fait Satanás i uan ira vaʼan valu-valut mundu mica maʼarlauhana hai nau talim susar pai. (Apokalipse 12:7-10, 12) Tempu ivinae, maʼarlauhana muacauvele e mica lauhoro hai nau tali susare. Ina-inaiʼt afa acit mundu enaen mesene ia hali, muhari, poʼotina-peste nauvara haul muʼa kohe ere ia inemana har “sinál” ali catanit em afi mesenet, Ocava i ukunana kois laʼan ina-inait muacauvele eaufune puhucoto akam hairata.Lucas 21:7, 10, 11, 31 lere.

5. Inait Ocava i ukunana kois fai?

Em sirivesit Ocava i luku-lukun melaʼan em mundu aufu pelaʼa nae, Ocava i ukunana maʼarlauhanat mua taʼa-taʼane haim horupe-pemaʼu. Maʼarlauhana rehun-rahen Ocava i povu haini, i hiar hai tomoke nauvara hai uan ukani. Tarut Ocava i ukunana laʼan ina-inait ikaparana mundu enae ukum saipai nae, tavar ta kois laʼan Ocava tavar puhucoto aci. Ivihinta tavarit eluhen laʼa nacun iraun it Ocava i ukunana naen maʼu aci, tavar uhulen nim Jesus it Liurai haini uane.Apokalipse 7:9, 14, 16, 17 lere.

Laʼan ajaera 1.000 mucune, Liurai Jesus ho tavarit Jesus apur ukunana fai, Ocava i heluhana ratani alim maʼarlauhana ina. Laʼa tempu inae, muacauvele en ali fulehen laʼan jardín tahin uni. Ajaera 1.000 tali nae, Jesus hin ukunana alim hin pal naneterika. (1 Korinto 15:24-26) Luku-lukun en afa vari nau tali tahine, ivaʼane ana upe? Afir o afa icaen eluhen Ocava i ukunana e melaʼan em toru acitaʼa.Salmo (Mazmur) 37:10, 11, 29 lere.

 

^ par. 6 A eleuhen informasaunit inahinta 1914 it ajaera unit Bíblia, taʼa ia importante nanate navare inara pájina 247-249 naen livru Tuir Loloos, Saida mak Bíblia Hanorin? i toto.