Skip to content

Skip to secondary menu

Skip to table of contents

Testemuña ba Jeová

Fataluku

Luku-lukun rauni it Ocava naen mau

 LISAUN 11

Tevaʼan laʼat iʼa iraun it Ocava naen maʼu ta nacun iraun memaʼun em afi ina?

Tevaʼan laʼat iʼa iraun it Ocava naen maʼu ta nacun iraun memaʼun em afi ina?

1. Tevaʼane hin afita iʼa iraun it Ocava ihini eluhe?

Tevaʼan laʼat Ocava i hiʼa raun ere ta afi tolunet afita irauni aci?SALMO (MAZMUR) 36:9.

Ocava tafi fai afi nau tali navarana. Nauvara pal unit i icatutun ane vaʼane, tava afi eceremu. Tava o akam afi fait afi har jen hin ukune. (Jeremias [Yeremia] 10:23) Nauvara mocor iʼa iraun it nal-pal naen maʼu eluhe, afiro afa iʼa iraun it Ocava naen mau eluhe. (Isaías [Yesaya] 48:17, 18) Iʼa iraun it Bíblia nae it nauvara prezente unit Ocava naen maʼu, hinta afi tolunet afa laʼan lauhana irauni aci.2 Timóteo 3:16 lere.

Ocava Jeová i lei ho i hiʼa raun ere ia em afi fanavet, tevaʼan laʼat afita karue mucu lauhen icarau-rau, nauvara tevaʼan laʼat afita bensaun nit nau laʼa nohorata marat nop-tatun afa acim afi fanave. Ocava it i direitu anet i lei ho i hiʼa raunerem afi ina, ivihin tava ta afi fai. Ocava hin icatutun nim ina-inait haim afi ina nere, afiro afa tenke agradese nauvara icarau-raun i lei ho i hiʼa rauneret haim afi ina nerepai.Salmo (Mazmur) 19:7, 11; Apokalipse 4:11 lere.

2. Bíblia i hiʼa raunere it inai?

Bíblia i hiʼa raun it luku-lukun i maisinat importante. Ocava i ukunana it i lei eret afa uhulen em nerepai tarau. (Deuteronômio [Ulangan] 22:8) Afa uhulen tevaʼan laʼat afita navarana uzan Bíblia i hiʼa raunim situasaun unu na uza. (Provérbios [Amsal] 2:10-12) Naceana, Bíblia em afi fanave har lauhana ia prezente unit Ocava naen maʼu. Iʼa iraun ere en afi tolunet afa sirivesi alivana nae, le nae nauvara afa laʼa alivana unumara, ivihinta uhulen afi tolunet afa nacun lafan fai o afa ikaparana nacone.Apóstolu 17:28 lere.

3. Lei nemana ecen tali importante it inai?

Jesus lei nemana ecen tali importante taʼa. Lei ihemerana ia razaun tevaʼane hinta Ocava ata maʼarlauhana fai, eniʼit fait afa  laʼan Ocava nanate navare, nauvara eceremun hin mucunana naum acanate. Tarut afa desizaun unu me nae, afa uhulen lei em emer neceremu tini. (Provérbios [Amsal] 3:6) Maʼar lei e nerepait kois laʼan Ocava ilani, icarau-raun i maisina aci, nauvara lauhana nau laʼa nohorata mara aci.Mateus 22:36-38 lere.

Lei i hecia afi tolunet afa maʼar tour erem jen hin vaʼan neceremun em rau-rau. (1 Korinto 13:4-7) Lei enen Ocava ihini nerepain hin lanura ali maʼar tour aci muahaka.Mateus 7:12; 22:39, 40 lere.

4. Tevaʼan laʼat Ocava i hiʼa raunere ta nacun iraun memaʼu em afi ina?

Ocava i hiʼa raunere a família ere tolunet tevaʼan laʼat ta uhulen icatutuni me nita inan laʼan uan ukani. (Koloso 3:12-14) Bíblia i hiʼa raun un em evaancaʼa har tarut maʼar un kave, tavar eluhen nita horu lauhe ta nau laʼa umu hirohe. Iʼa iraun en família ere i lauhana tolunet nita vari kesimpale.Gênesis (Kejadian) 2:24 lere.

Afa inait Bíblia em afi fanave nere lauhe, en afi tolunet afa problema laʼan lavan nim ranu uza. Naceana uni, patraun ica eluhen sirivesim maʼar afurit ele Bíblia ihininere lauhe akam valin kaurana fai, nauvara humeren sirivesi ina. (Provérbios [Amsal] 10:4, 26; Ebreu 13:18) Ocava i luku-lukun afi tolunet afa kam eceremun lafan fai ali estrese, ivihinta Bíblia em afi fanave afi har inait afa hai acit ivinae uzan icarau-rau, nauvara afi har jen hin fiaranam Ocava naep tapa em upataʼa ho lavan nae.Mateus 6:24, 25, 33; 1 Timóteo 6:8-10 lere.

Afa em iʼa iraun it Bíblia mucune nerepai afi saude vari rau-rau. (Provérbios [Amsal] 14:30; 22:24, 25) Naceana, Ocava i lei laʼan tua tutu nanate afi har tapa tua vasim tali cutut afi ata-atar savi en, fait afa poʼotina ere ho asidente ere nacone. (Provérbios [Amsal] 23:20) Jeová akam afi pacut afi har tapa tua tutu ia upe, mais afi har tapa em tali cutu. (Salmo [Mazmur] 104:15; 1 Korinto 6:10) Ocava i hiʼa raun o afi tolunen fanavanam afi inat afi har fai-fain irauni fai, nauvara laʼan iniat afa eceremu nanate ere purupale. (Salmo [Mazmur] 119:97-100) Kristaun i maisina ere ia Ocava i lei ho i hiʼa raun ere nere lauhe, akam eluhen laʼan nacun iraun hala naci, mais tavar eluhen hin Ocava Jeová loluʼe hintaua.Mateus 5:14-16 lere.

 

TAWA ISTUDA

LA’AN INIRI

Maʼar ucutet maun afi apur Biblia istuda

Tempu irauni toto uhulen biblia istuda