Skip to content

Skip to secondary menu

Skip to table of contents

Testemuña ba Jeová

Fataluku

Luku-lukun rauni it Ocava naen mau

 LISAUN 6

Maʼarlauhanat hainumunoro i esperansa ane ana upe?

Maʼarlauhanat hainumunoro i esperansa ane ana upe?

1. Luku-lukun raun it laʼan maʼarlauhanat hainumunoro nanate it inai?

Tarut Jesus ilan Lázaro umun nae, Jesus laʼan imaran toto. Tava laʼan Betánia hirohe, Lázaro hainumun hai vaci fate. Jesus ho Lázaro ilerenura, Marta ho Maria, horupen laʼan alivanat em anaru-uru toto. Akam siarata, maʼarlauhana tour o haimaʼu toto. Tarut Jesus, Lázaro muralauhpai nae, afa Marta ho Maria nereneceremu, tavar tali nicarau-rau ere!João 11:21-24, 38-44 lere.

Marta a laʼan luku-lukun raun it umunoroni nanate hainavare. Tava navare ia maʼarlauhanat hainumunoro, kois Ocava Jeová on em uralauh pait ali maʼu muamica lauhe.(Ayub) 14:14, 15 lere.

2. Tarut maʼarlauhana umu ia inait mesene?

Ocava em Adão acitaʼa: “Muat em efai hineta alifulehen la mua.”GÊNESIS (KEJADIAN) 3:19.

Ocava Jeová muʼa men em maʼarlauhana fai. (Gênesis [Kejadian] 2:7; 3:19) Ivihinta afa umu, afi humaʼara akam anen valipal lauhe. Tarut afa umu afi cemaka o haipara, afakam hai uza, nauvara afi heceremun ho afi sentimentu hainuku molure. Ivihinta, tarut Lázaro alinura lauhe o, tava aka ina sentimentu rahin tava umu nanate alim toru aci nerecaʼa, ivihinta tavarit hainumunoro akam nacun hainavare.Eclesiastes (Pengkhotbah) 9:5, 6, 10 lere.

Tarut maʼarlauhana umu, Ocava a infernu naen tavarim tahanana pai ana upe? Bíblia afi aci haim mai-mais caʼat har maʼarlauhanat hainumunoro, ia akam nacun hai navare. Ivihinta fanavanat laʼan infernu nanate ia fanavana i falsu, fait  maʼarlauhana a fai-fain it Ocava akam uhulen ivi nau faim Ocava hiamoi. I mai-maisina Ocava akam maʼarlauhana melaʼan, acahoina mucu kastigu nau neceremu.Jeremias (Yeremia) 7:31 lere.

3. Maʼarlauhanat hainumunoro uhulen afi apur luku-luku ana upe?

Bíblia taʼa har maʼarlauhanat hainumunoro akam afi apur hai luku-luku nauvara akam afi hini hai vari. (Salmo [Mazmur] 115:17) Mais, anju ikaparana icait nim maʼarit hainumu vaʼapain maun maʼarlauhanat on lauhoro ere apur luku-luku. (2 Pedro 2:4) Ocava Jeová hin maʼarlauhana ali, hin povu acitaʼa har tapa apain maʼarlauhanat hainumunoro apur luku-luku.Deuteronômio (Ulangan) 18:10, 11 lere.

4. Uman afur sianit kois uralauhoro?

Nop-tatun, maʼarlauhanat rehun-rahen hainumunoro ere, kois ali nuralauhoro nauvara ali maʼu mua mica lauhe. Aitana tavarit aka ono, Ocava hefen fai-fain ikaparana fain hainumunoro kois uralauhoro ere.Apóstolu 24:15 lere.

Tavarit uralauhoron hainaci ia, on tempum tavar inat laʼan luku-lukun maisinat Ocava nanate ali istuda, nauvara hin fiaranam Jesus naen em ihini nerepai. (Apokalipse 20:11-13) Tavarit iraun fai ere ia kois laʼan muacauvele mica lauhen ta naulaʼa nohorata mara.João 5:28, 29 lere.

5. Esperansat uralauhe ia Jeová i fai-fain laʼan inanatem afi fanave?

Ocava maʼarlauhanat hainumuoro hau ia carut uralauhoro, ivihinta hin Moco-Nami har maʼu muamicapemaʼun afi hin umu. Esperansat laʼan uralauhe nanate ia Jeová hin muahakan ho hin i catutunim afi fanave. Tarut maʼarlauhanat hainumunoro ali nurlauhe nae, uman afurit afa eluhen fanuhene?João 3:16; Roma 6:23 lere.