Skip to content

Skip to secondary menu

Skip to table of contents

Testemuña ba Jeová

Fataluku

Luku-lukun rauni it Ocava naen mau

 LISAUN 1

Luku-lukun raun it inai?

Luku-lukun raun it inai?

1. Luku-lukun raun it Ocava naen maʼu it inai?

Ocava eluhet maʼarlauhana muacauvele mica icarau-rau. Tava i ica maʼarlauhana tutu, hin tava ta muacauvele ho ina-inait micane uku fai. Akam hai ratat, Ocava kois on nacun unu fait maʼarlauhanat mua taʼa-taʼane uhulen laʼan lauhana iraun it nop-tatun i hini aci. Tava kois laʼan maʼarlauhana i tahanana ere ukum vakah pait tavar i tahanana hainupe.Jeremias (Yeremia) 29:11 lere.

Ratane naen naumaʼu karue hirohe, maʼarlauhana i ukunana akam uhulen laʼan problema violénsia, pootina, ali umun ivi molupai. Nanipo luku-lukun iraun un tapi ane. Iviʼit akam hairatat, Ocava a tutu jen hin ukunana memau em maʼarlauhana i ukunana helupai. Laʼan tempu ivi nae maʼarlauhana nita haim rau-rau nauvara haivari huhumere.Isaías (Yesaya) 25:8; 33:24; Daniel 2:44 lere.

2. Tevaʼane hinta luku-lukun raun afa karue mucu tali eluhe?

Tarut Ocava laʼan maʼarlauhana ikaparanat muacauvele micanem saipai nar iviʼit tahanana non hainupe. (Sofonias [Zefanya] 2:3) Nanip tarutet enta mesene? Ocava i luku-lukun naen ratan haim afi acitaʼa har ikaparana on afi tempu e naen mesene. Eukunia em afi mesenet vacit Ocava laʼan maʼarlauhana ikaparanam saipai haikarune.2 Timóteo 3:1-5 lere.

3. Inait afa uhulen eluhen fai?

Afa uhulen Bíblia Ocava i luku-lukun nae aprende, afita uhulen Ocava navare. Bíblia nauvara sorot unit palun hin moco eceremun em ahupai vaʼane. Bíblia afa tevaʼan lauhet afita karue mucu icarau-rau, nauvara nop-tatun icarau-raum afi acitaʼa. Icaene maʼarlauhana ica afi totot afa Bíblia istuda i ica akam afi tutu. Nanipo Ocava afi aci hai prometet kois lauhana iraun it laʼan nop-tatun ihinim afi ina, ivihin afa tapa maʼarit afi har tapa e aprende ihini vari.Provérbios (Amsal) 29:25; Apokalipse 14:6, 7 lere.