Skip to content

Skip to secondary menu

Skip to table of contents

Testemuña ba Jeová

Fataluku

Luku-lukun rauni it Ocava naen mau

 LISAUN 3

Luku-lukun raun it Bíblia mucune ia Ocava naen tapi maʼu ana upe?

Luku-lukun raun it Bíblia mucune ia Ocava naen tapi maʼu ana upe?

1. Bíblia uman naen maʼu?

Luku-lukun raun it laʼan maʼarlauhana i esperansat muacauvele e mica lauhe, nau laʼa nohorata mara nanate ia Bíblia mucu kere-kere. (Salmo [Mazmur] 37:29) Bíblia mucune livru mokor em nita tavane 66. Ocava maʼarlauhana 40 itane haret livru ere e kere-kere. Moisés it hailaʼan ajaera 3.500 itane naen livru lim ihemerana kere-kere. Apóstolu João nit hailaʼan ajaera 1.900 itane naen livru ihuranana kere-kere. Maʼarlauhana eret Bíblia kere-kere ia uman iheceremunim kere-kere? Ocava jen hin espíritu santu maʼarlauhana ere neret i heceremuni kere-kere. (2 Samuel 23:2) Inait tavar kere-kere ia Ocava i heceremunip, akam tavar ihini. Ivihinta Bíblia ia Ocava naen maʼu.2 Timóteo 3:16; 2 Pedro 1:20, 21 lere.

2. Afa em tevaʼan fiare hinta Bíblia har Ocava naen maʼu?

Inai-inait Bíblia ratan em afi acitaʼa, vari vaʼane hin afita navaret Bíblia ta Ocava naen maʼu. Maʼarlauhana un akam uhulen e fai. (Josué [Yosua] 23:14) Ocava nauhalan i forsa anet uhulen maʼarlauhana i lauhana nop-tatun i hini navare.Isaías (Yesaya) 42:9; 46:10 lere.

Bíblia akam livru i touri vaʼane hinta Ocava naen tapi maʼu. Karue mucune, maʼarlauhana Bíblia hai melaʼan em epul rehun-rahe na torupasa, nauvara Bíblia em nita tavane laʼan 2.000.000.000 tali haim toru pati. Aitana Bíblia livru irata haini, mais tarut tava laʼan siensia nanate taʼa akam nita vali. Nauvara, maʼarlauhana 40 vaʼanen Bíblia kere nanip inait Bíblia mucu kere-kereo akam nita vali. * Bíblia ia Ocava i icatutun lafai nim mesene, ratane naumaʼu ehirohe Bíblia i forsa vari anet maʼarlauhana i hiari ho i fai-fain helupait laʼan muahaka. Enau  ukunit fait maʼarlauhana lafanen e tapi fiaren evaʼancaʼa, Bíblia ia Ocava i luku-lukun tapini.1 Tesalónika 2:13 lere.

3. Bíblia laʼa ina sia nanate hala taʼa?

Bíblia inait Ocava i heluhanat laʼa maʼarlauhana nanate vari taʼa nauvara eniʼit luku-lukun rauni. Bíblia maʼarlauhana ihemerana, ina hinta tempu iraun it jardín Eden na lauhe naulaʼan noharata mara molupai, nauvara Ocava kois non muacauvelet afa mica lauhe alim jardín pai nerecaʼa.Apokalipse 21:4, 5 lere.

Bíblia mucune, afa Ocava i ukunana, iʼa raun it afa nerelauhe, ho i fanavana raun ere aci. Nauvara Bíblia ina fai-fain it Ocava ratan em maʼarlauhana ihemerana ere mesene taʼa. Fai fain en Ocava ihiara tevaʼanem afi mesene. Ivihinta Bíblia uhulen afi tolunet afa Ocava melaʼan em rau-raun hefe, nauvara tevaʼan laʼat afita Ocava ilani.Salmo (Mazmur) 19:7, 11; Tiago 2:23; 4:8 lere.

4. Tevaʼan laʼat afita uhulen Bíblia nerenavare?

Jesus inait eskritura mucu kere-kere uzan em maʼarlauhana fanavet, tavar tolunet Ocava i luku-lukunim rau-raun nerenavare. Nauvara livru eno em ivaʼan uzat afi tolunet afa “eskrituram rau-raun nerenavare”.Lucas 24:27, 45 lere.

Nacun un akam Ocava i luku-lukun rauni tali rau. Mais maʼarlauhana ica akam e vasi nelun nerenavare, ica nau kelun akam e navari. Aitana ivaʼane o, afir afa tapa icakapare po, tarut afa valipal Ocava ihini istuda memerpelaʼa, afi esperansat afa lauhen nau laʼa nohorata mara hai ane.João 17:3 lere.

 

^ par. 3 Livru AlkitabFirman dari Allah atau dari Manusia? mucunen i naceanani toto.